बीपीसीएल खाजगीकरण : अमेरिकेच्या दोन कंपनींनी लायली बोली

बीपीसीएल खाजगीकरण : अमेरिकेच्या दोन कंपनींनी लायली बोली

खबरां संस्था

मुंबयः भारत पेट्रोलियम कॉर्पोरेशन लिमिटेडाच्या (बीपीसीएल) खाजगी करणाच्या माध्यमांतल्यान पयशें उबे करपाची तयारी केंद्र सरकारान सुरू केली. सरकार बीपीसीएलांतलो आपलो 52.98 टक्के वांटो विकून 90 हजार कोटी उबे करपाचो  केंद्र सरकाराचो विचार आसा. सध्या बीपीसीएल विकती घेवपाक तीन कंपनींनी इत्सा दाखयल्या. 

बीपीसीएला कडेन खूब संपत्ती आसा. मूळ उद्देगाक हात लायनासतना सरकार 45 हजार कोटी उबे करपाक शकता अशी एका अधिकाऱ्यान म्हायती दिली.

एमकी ग्लोबलच्या तज्ञांनी दिल्ले म्हायती प्रमाण, देशांतल्या रिटेल पेट्रोलियम प्रोडक्टसांत बीपीसीएलाच 20 टक्के परस चड वांटो आसा. बीपीसीएलाच्या संदर्भांतलो वेव्हार करपाचो विचार करपी कंपनींक बीपीसीएलाचे देशांतले 17 हजार पेट्रोल पंपा वांगडा गॅस उत्पादनाचो वांटो लेगीत मेळटलो. पेट्रोनेट एलएनजी आनी इंद्रप्रस्थ गॅस लिमिटेड खेरीत मोजाम्बीक गॅसींत लेगीत बीपीसीएलाचो वांटो आसा.

बीपीसीएलांत सरकाराचो आशिल्लो 52.98 वांटो विकतो घेवपाक खण क्षेत्रांतली दिग्गज कंपनी वेदांता ग्रुपा वांगडा अमेरिकेंतल्यो दोन खाजगी कंपनी इक्विटी इनवेस्टर्स आनी अपोलो ग्लोबल मॅनेजमेंट आनी आय स्कॅर्स कॅपिटल्साची थिंक गॅसान बोली लायल्या.