कोरोना वयल्या कोविशिल्ड लसीक आपत्कालीन मंजुरी

कोरोना वयल्या कोविशिल्ड लसीक आपत्कालीन मंजुरी

केंद्र सरकाराचो व्हड निर्णय, पयल्या टप्प्यांत 30 कोटी लोकांक दितले लस

खबरां संस्था I नवी दिल्ली
सीरम इन्सिट्यूटच्या कोविशिल्ड लशीक आपत्कालीन वापराक परवानगी दिवपाचो निर्णय केंद्र सरकारान घेतला. कोरोना लसीच्या आपत्कालीन वापरा खातीर परवानगी दिवपा विशीं दिल्लींत तज्ञांच्या समितीची म्हत्वाची बसका जाली. बसकेंत कोविशिल्ड लसीक आपत्कालीन वापरा खातीर परवानगी दिवपाचो निर्णय घेतला.

लसीक मान्यताय दिल्ल्यान लसीकरणाक सुरवात जावपाची शक्यताय आसा. पयल्या टप्प्यांत 30 कोटी लोकांक लस दिवपाची शक्यताय आसा.
फायझर, भारत बायोटेक आनी सीरम इन्स्टिट्यूट ह्या तिनूय संस्थांनी लस, ताचे जावपी परिणाम हे विशींचे एक सादरीकरण दिल्लें. आतां सीरमच्या कोविशिल्ड लसीक अापत्कालीन वापरा खातीर संमती दिल्या.
2 जानेवारीक देशांतल्या दरेक राज्यांत ड्राय रन जातले. कोरोना लसीची तयारी करपा विशीं केंद्रीय भलायकी मंत्री हर्षवर्धन हांचे अध्यक्षताये खाला एक बसका जाली. हाचे पयली पंजाब, आसाम, गुजरात, आंध्र प्रदेशांत ड्राय रन राबयिल्लो.
लस 500 ते 600 रुपयांक मेळुये
पुण्यांतल्या सीरम इन्स्टिट्यूटांत कोविशिल्डाचें उत्पादन करतात. सीरमचे​ सीईओ अदर पुनावाला हांच्या म्हणण्या प्रमाण ही लस सरकाराक 200 ते 250 रुपयां मेरेन मेळपाक शकता. जाल्यार खाजगी विक्रेत्यांक ही लस 500 ते 600 रुपयां मेरेन मेळपाक शकता. प्रधानमंत्री मोदी हांणीय सीरम इन्स्टिट्यूटाक भेट दिल्ली.