भांगरभूंय | प्रतिनिधी
823 उत्पादीत कारखाने सुरू; बार्देस, साश्टींत सगल्यांत चड
भांगरभूंय I सिद्धार्थ कांबळे
पणजीः गोंय कारखाने कायदो (फॅक्टरी अॅक्ट) 1948 खाला 31 मार्च 2021 मेरेन नोंदणी जाल्ल्या 1,627 उत्पादन कारखान्यांतल्यान 804 कारखाने विवीध कारणांक लागून बंद जाल्यात. जाल्यार 823 कारखाने सुरू आसात. उत्तर गोंयांत बार्देस आनी दक्षीण गोंयांत साश्टींत सगल्यांत चड कारखाने सुरू आसात. नियोजन, सांख्यिकी आनी मुल्यमापन खात्यान जारी केल्ल्या अहवालांतल्यान ही म्हायती मुखार आयल्या.
गोंयांत कारखाने कायदो 1948ची अंमलबजावणी जाले उपरांत ते खाला नोंदणी करून 1,627 कारखान्यांनी गोंयांत विवीध उत्पादन घेवपाक सुरवात केल्या. पूण ते उपरांत कांय कारखाने बंद जाले. शाश्वती नाशिल्ल्यान कांय जाणांनी स्वता कारखाने बंद केले. कांय जाणांक फावोशे कुशळ कामगार मेळनाशिल्ल्यान कारखाने बंद करचे पडले. जाल्यार कांय कामगार वेवस्थापनाचे आयकून घेवपाक तयार नाशिल्ल्यान ते बंद करचे पडले. ताका लागून नोंदणी जाल्ले सुमार 50 टक्के कारखाने आतां मेरेन बंद जाल्यात, अशी म्हायती कारखाने आनी बाष्पक खात्याचे मुख्य निरिक्षक विवेक मराठे हांणी आमच्या प्रतिनिधी कडेन उलयतना दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
