भांगरभूंय | प्रतिनिधी
भांगरभूंय प्रतिनिधी
काणकोणः फाटल्या धा वर्सां सावन अवतीकाय जायत आशिल्ल्या पाळोळें रस्त्याचें निमाणे डांबरीकरण करपाचें काम सुरू जालां. ताची सुरवात काणकोणचो आमदार आनी सभापती रमेश तवडकार हांणी करून दिलें. ह्या वेळार काणकोण पालिका मंडळाचो नगराध्यक्ष सायमन रिबेलो, नगरसेवक रमाकांत नायक गांवकार, उपनगराध्यक्ष लक्ष्मण पागी, सारा देसाय, आदलो नगरसेवक दिवाकर पागी, भाजपा काणकोण मंडळ अध्यक्ष विशाल देसाय आनी हेर पदाधिकारी हाजीर आशिल्ले.
पर्तगाळ रस्त्याचें डांबरीकरण
पर्तगाळ हांगच्या जिवोत्तम मठाकडेन वचपी रस्त्याच्याय डांबरीकरणाक सुरवात केल्या. ह्या वेळार सभापती रमेश तवडकार हांच्या वांगडा अमेय पुराणीक, महेश नायक, देवानंद नायक, आनंदु देसाय, विनय तुबकी, अभियंतो स्वप्नील देसाय, मनोज नायक, संजय टेंग्से, आनंदराव देसाय, भाजपा महिला मोर्चाचें चंदा देसाय हाजीर आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
