भांगरभूंय | प्रतिनिधी
लोकशाये खातीर हो काळो दीस
देशांत हुकुमशायेची सुरवात
पणजी : लोकसभा खासदार म्हूण राहूल गांंधीक अपात्र थारावपाची कृती ही लोकशायेची हत्या आसा. आयचो दीस हो लोकशाये खातीर काळो दीस आसा. काँग्रेस पक्ष राजकी आनी कायदेशीर मार्गांन हाचो विरोध करतलो अशें काँग्रेसीन म्हणलें.
सुरत न्यायालयान राहूल गांंधीक दोन वर्सांची ख्यास्त सुनायले उपरांंत खासदार म्हूण राहूल गांंधीक अपात्र थारायलां. पक्षांंतरा आडच्यो याचिका सभापतीं मुखार बरोच तेप प्रलंंबीत आसात. राहूल गांधी आडच्या खटल्यांत मात निवाड्याक 24 वरांं जावचे पयलींच तांंकां अपात्र थारायलां. ही कृती पक्षपातीपणाची आसा अशें काँग्रेसीन म्हणलें.
प्रदेश काँग्रेस अध्यक्ष अमीत पाटकार, विरोधी पक्ष फुडारी युरी आलेमांव, अॅड. कार्लोस फेरेरा, एल्टन डिकोस्टा हांंची पत्रकार परिशद जाली. देशांत लोकशाय ना. देशाची वाटचाल हुकूमशायेचे दिकेन सुरू आसा. जनता तशेंच विरोधी पक्षांंनी लोकशाय वाटावपा खातीर एकठांंय येवपाची गरज आसा. विरोधी पक्षांंनी एकठांंय येवपाची वेळ आयल्या अशें प्रदेश अध्यक्ष अमीत पाटकार हांंणी सांगलें.
भारत जोडो यात्रेच्या येसान
केंंद्र सरकारा मदीं भिरांंत
राहूल गांंधी हांंणी कश्मीर ते कन्याकुमारी मेरेन भारत जोडो यात्रा केली. भारत जोडो यात्रेक उपाट प्रतिसाद मेळ्ळो. भारत जोडो यात्रेक मेळिल्ल्या प्रतिसादान भाजप तशेच केंद्र सरकारा मदीं भिरांंत निर्माण जाल्या. राहूल गांंधी हांंणी 4 हजार किमिचे यात्ंरेत लाखांंनी लोकांंच्यो भेटी घेतल्यो. लोकांंच्यो समस्या आयकून घेतल्यो. राहूल गांंधी हांंणी तामीळनाडूंत स्वामी विवेकानंंदाच्या समाधीचें दर्शन घेतलें ना. तांंकां पुजा करपाक कळना अशी टीका भाजपा फुडाऱ्यांंनी केली. भाजपाचे टिकेंत कसलेंच तथ्य नाशिल्लें. स्वमी विवेकानंंदाच्या समाधी कडेन राहूल गांंधी हांंणी परिक्रमा केल्ली. मध्य प्रदेशांत तांंणी पुजा केली. भारत जोडो यात्रेक मेळिल्ल्या प्रतिसादाक लागून भाजपा मदीं भिरांंत निर्माण जाल्या असो आरोप अमीत पाटकार हांंणी केलाे.
अदानी – सरकारा मदले संंबंंध केले उक्ते : युरी
राहूल गांंधीं हांंकां दोशी थारायल्या तें प्रचार सभेंतले राजकी भाशण आशिल्लें. कोणा एका मनशा आड तांंणी आरोप करूंक ना. लोकसभेंत अदानी आनी सरकार हांंच्या संंबंंधांंचो प्रस्न राहूल गांंधी हांंणी विचारिल्लो. ह्या प्रस्नाचे फाटभुंयेर अदानी आनी भाजप सरकारा मदलें संंबंंध उक्ते जाल्ले. हो प्रस्न विचारले उपरांंत खटल्या वेली सुनावणी नेटान जावन निवाडो जाहीर जालो. हें सगलें भाजप सरकाराचें कारस्थान आसा, असो अारोप युरी आलेमांव हांंणी केलाे.
निवाड्याक आव्हान दिवपाक वाव
सुरत न्यायालयान दिल्ल्या निवाड्याक उच्च न्यायालय तशेंच सर्वोच्च न्यायालयांत आव्हान दिवपाचो पर्याय आसा. राहूल गांंधी हांंणी कोणा एका मनशाचेर प्रचार सभेंत आरोप करूंक ना. हाका लागून कोणाचीच बदनामी जाय ना अशें आमदार अॅड. कार्लोस फेरेरा हांणी सांंगलें.
ईडी, आयटी हांंचो वापर काँग्रेस फुडाऱ्यांं आड जाता. विरोधी पक्षांंनी एकठांंय येवपाची गरज आसा अशें एल्टन डिकोस्टा हांंणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
