भांगरभूंय | प्रतिनिधी
नाशिकाच्या आयकर विभागाची ‘फिल्मी स्टायल’ धाड
खबरां संस्था
नागपूर : महाराष्ट्रांतल्या जालना शारांत स्टील कंपनी आनी खाजगी वेवसायिकांचेर आयकर विभागान ‘फिल्मी स्टायलीन’ धाड घालून वट्ट 390 कोटींचें घबाड जप्त केले. हे अधिकारी वराती म्हूण आयलें. वाहनांचेर लग्नाचे वराती आशिल्ल्याचे स्टिकर लायिल्ले. दरेक वाहनाचेर ‘वर’ आनी ‘वधू’ हांचें नांव बरयिल्लें. ताका लागून कोणाकूच दुबाव येवंक ना.
महाराष्ट्राच्या जीएसटी विभागान आयकर विभागाक स्टील कंपनी कडल्यान फटीचीं बिलां दाखोवन कर चोरी जाल्ल्याची म्हायती मेळिल्ली. म्हायतीच्या आदारान आयकर विभागाच्या नाशिकाच्या पंगडान 3 ऑगस्टाक सांपळो रचिल्लो. ह्या प्रकरणांत महाराष्ट्रांतल्यो सगल्यांत व्हड बांदकामा खातीर स्टिलाचे उत्पादन करपी चार कंपनी रडाराचेर अाशिल्ल्यो. थारिल्ले प्रमाण 3 ऑगस्टाक धाड घालपाची तयारी केली. ह्या पंगडांत 250 अधिकारी आनी कर्मचाऱ्यांनी वांटो घेतिल्लो. वट्ट 120 वाहनांतल्यान अधिकारी जालन्यांत दाखल जाले. हाची म्हायती कोणाकूच कळची न्हय, हे खातीर वाहनांचेर लग्नाचे वराती आशिल्ल्याचे स्टिकर लायिल्ले.
जीएसटी चुकयिल्ले प्रकरणांत कारवाय
आयकर विभागाचे कारवायेंत 58 कोटी रुपया रोख, 32 कील भांगर, हिरे आनी बेनामी मालमत्तेची कागदपत्रां जप्त केल्या. जीएसटी चुकयिल्ले प्रकरणांत स्टील कंपनींनी कार्यालयां, धनी, बांदकाम वेवसायीक आनी हेर वेपाऱ्यांचेर ही कारवाय जाली. तपासा मजगतीं कोट्यांनी रुपयांची रोख रक्कम जप्त केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
