भांगरभूंय | प्रतिनिधी
फोंडें, प्रतिनिधी ः पालवाडो- उसगांवांतल्यान राजू वागू कोकरे हांचे मालकीची होंडा सिटी मोटार घरगुती कार्यावळी खातीर ताच्या कडल्यान दोगांनी मागून व्हेल्ली. पूण राजशेखर सी. आनी सोभारज राजशेखर सी. (मूळ कर्नाटक) ह्या बापूय- पुतान ती परत करुंक नाशिल्ल्यान फोंडें पुलिसांनी गुन्यांव नोंद केला. उल्लेख केल्ली मोटार 5 ऑगस्ट 2023 दिसा व्हेल्ली. निरिक्षक विजयनाथ कवळेकार हांच्या फुडारपणा खाला उपनिरिक्षक चेतन नायक फुडली चवकशी करतात.
मेळिल्ले म्हायती प्रमाण, कर्नाटकांत जावपी घरगुती कार्यावळी खातीर बापूय- पुतान जीए- 05- एल- 0053 क्रमांकाची मोटार कागाळदारा कडल्यान मागून व्हेल्ली. उपरांत ती परत करपा खाती गाडयेच्या धनयान परत परत विनवणी केल्ली. पूण अजून ती मोटार परत करुंक नाशिल्ल्यान तांणी शुक्रारा कागाळ दाखल केली. हे विशीं फोडें पुलीस चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
