भांगरभूंय | प्रतिनिधी
फोंडें, प्रतिनिधी ः गोंय तशेंच गोंयां भायल्या भाविकांचें आकर्शण थारिल्ली मडकयच्या नवदुर्गा देवीची जात्रा फाल्यां आयतारा 24 आनी सोमारा 25 नोव्हेंबराक जातली. दरवर्सा हजारांनी लोक हे जात्रेक येतात. ‘आंगवणेक पावपी मडकयची नवदुर्गा’ म्हणू हे देवीची नामना आसा. अंदूंय 5000 परस चड भक्त हे जात्रेक हाजीर रावून देवीचो आशीर्वाद घेतलें अशी म्हायती नवदुर्गा फावंडेशनाचे वांगडी तशेंच सरपंच शैलेंद्र पणजीकर हांणी दिली.
आयतारा 24 नोव्हेंबराक फांतोडेर 2 वरांचेर पालखी जातली. सकाळीं म्हाभिषेक, दनपारां 3.30 वरांचेर महाप्रसाद जातलो. सोमार 25 नोव्हेंबराक सकाळीं 5.30 वरांचेर आनी सांजवेळार 4 वरांचेर रथोत्सव जातलो. मजगतीं सकाळी 10 वरांचेर दिवजां, रातच्या 8.30 वरांचेर सभापुजा जावन जात्रा सोंपतली. रातच्या 9 वरां उपरांत देवूळ बंद करतले, अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
