भांगरभूंय | प्रतिनिधी
पणजी: पणजी- पाटो हांगासरल्या तातो हॉटेल ते बँक ऑफ इंडिया वाठारांतल्या फुटपाथार दीसभर खूबशो दुचाकी अस्ताव्यस्त पद्दतीन नेमान पार्क करून दवरतात. ताका लागून फुटपाथा वेल्यान चलप वचप्यांक ह्या दुचाकीं मदल्यान वाट काडची पडटना नाकापुरो जाता.
पयलींच धुल्लान मिश्रीत जाल्ल्या रस्त्या वेल्यान खूबशीं वाहनां गतीन धांवत आशिल्ल्यान चलून वचप्यांक धुल्ल खायत आनी जीव मुठींत धरून चलचें पडटा.
हरशीं हॅल्मॅट घालूंक नाशिल्ल्या चालकांक ‘तालांव’ दिवपा खातीर आसुशिल्ले येरादारी पुलीस फुटपाथा वेल्या दुचाकीं कडेन पळयतना तांची आडनदर कित्याक जाता असो प्रस्न त्रस्त जाल्ले लोक एकामेकांक विचारतात. चलून वचप्यांक सुमारा भायर मनस्ताप दिवपी फुटपाथा वेल्यो ह्या दुचाकींचेर पुलिसांनी जाता तितले बेगीन कारवाय करून लोकांचो दुवो घेवचो अशी मागणी नेट धरीत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
