भांगरभूंय | प्रतिनिधी
नागपूर, खबरां संस्था: नागपुरच्या बुटीबोरी वाठारांत एक गाडी बांयंत पडिल्ल्यान तिगांक मरण आयलें. गाडी चलोवपाक शिकतना गाडयेवेलें नियंत्रण गेल्ल्यान ती सरळ धड नाशिल्ले बांयंत वचून पडली. भितरलीं गाडयेंतूच आडकून उरिल्ल्यान तिगांकूय मरण आयलें. सोमारा रातीं ही घडणूक घडली. मरण आयिल्ल्या तिगांयच्यो कुडी भायर काडल्यात.
बुटीबोरी एमआयडीसींतल्या मैदानांत आशिल्ले उक्ते बांयंत ही गाडी पडली. मरप्यां मदीं दोग सख्खे भाव आसात. हे मेकळे सुवातेर जायते जाण गाडी शिकतात. थंयच धड नाशिल्ली एक बांय आसा. गाडी शिकतना एकल्यान ब्रेकाचे सुवातेर एक्सलेटराचेर पांय दवरलो. हाका लागून चालकाचें गाडयेवेलें नियंत्रण सुटून गाडी सरळ बांयंत पडली. ही गाडी हे तिगजाण स्वताच चलोवपाक शिकताले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
