भांगरभूंय | प्रतिनिधी
भाजपाची 15 वर्सांची सत्ता सोंपलीं
नवी दिल्लीः सध्याचे घडयेक देशांतल्या भोवतेक सगल्या राज्यांनी भाजपाचें नाणें खणखणींत वाजत आसले तरी दिल्लींत मात आपचेंच वर्चस्व आसा, हे अरविंद केजरीवाल हांच्या आम आदमी पक्षान (आप) परतून एकदा दाखोवन दिलां. दिल्ली म्हापालिका वेंचणुकेंत आम आदमी पक्षान 250 सुवातांतल्यान 131 सुवातो जिखून पालिकेंतली भाजपाची 15 वर्सांची सत्ता सोंपयल्या.
सदचे प्रमाण प्रचारात आपली पुराय ताकद लावन लडपी भाजपान एक्झिट पोल्सांचो अंदमास चुकोवन अपेक्षे परस बरे येस मेळयलें.
दिल्ली म्हापालिकेच्या 250 सुवातां खातीर 4 डिसेंबराक मतदान जाल्लें. जाल्यार 7 डिसेंबराक मतमेजणी जाली. हे वेंचणुकेंत 250 सुवातां खातीर वट्ट 1349 उमेदवारा वेंचणूक रिंगणांत अाशिल्ले. दिल्ली म्हापालिकेचेर फाटल्या 15 वर्सां पसून भाजपाची सत्ता आशिल्ली. मात अंदूं आम आदमी पक्षाक दिल्ली म्हापालिकेचेर सत्ता मेळोवपाक येस आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
