भांगरभूंय | प्रतिनिधी
इं डियन आॅयलाचेर महाराष्ट्र आनी गोंय राज्याचे कार्यकारी संचालक आनी राज्य मुखेली अनिर्बान घोष हांचे हाजिरींत प्रियोळा आशिल्ल्या ब्रह्मानंद पेट्रोलियमांत इंडियन आॅयलान रिटेल आउटलेटात एक्स्ट्राग्रीन डिझेल सुरू केलां. 2021-22 वर्सां इंडियन ऑयलान सगळ्यांत चड 35.1% बाजारांतलो वाटो घेतलो आनी 256.4 पीओएल टीएमटी विकलें.
गोंयांतलीं इंडियन ऑयलाचें उत्पादनां विकपाक राज्यांत वट्ट 38 किरकोळ विक्री केंद्रांचें जाळें आसा. त्या भायर इंडियन ऑयलान 2022 हें वर्स क्राफ्टिंग अ ग्रीन फ्यूचर” संकल्पने खाला मनयलें. एक्स्ट्राग्रीन डिझेल हें नव्या युगाचें उच्च कार्यक्षमताय आशिल्लें डिझेल. तें 5 ते 6% अर्थवेवस्था वाडयता आनी तातूंत कळम संरक्षण उत्कृश्ट प्रमाणान आसा. कार्बन डाय-ऑक्सायडाचें उत्सर्जन, कार्बन मोनॉक्सायडाचें उत्सर्जन उणें जाल्ल्यान तें खऱ्या अर्थान ग्रीन इंधन. तें गोंयांतल्या 10 आऊटलेटांनी उपलब्ध आसा आनी फुडल्या काळांत आनीक 6 आऊटलेटांनी एक्स्ट्राग्रीन बाजारांत येतलें.
इंडियन ऑयलान XP05 ह्या ब्रँड नांवान कार्यक्षम आनी प्रगत पेट्रोल बाजारांत हाडलां. एक्सपी 95 चड शक्त, गती आनी मायलेज दिवपी ऑक्टेन पेट्रोला वांगडाच इंधन अर्थवेवस्था 3.95% इंडियन आॅयलान वाडयल्ल्या. तें गोंयांत 22 कडेन मेळटा.
XP100- इंडियन ऑयल ही भारतांत 100 ऑक्टेन सुपर प्रीमियम पेट्रोल बाजारांत हाडपी पयली कंपनी. इंडियन ऑयलान XP100 गोंयांत 2 आरओंत उपलब्ध करून दिलां. सर्वो वंगणान 50 वर्सां पुराय केल्यात, हो भारताचो सगळ्यांत व्हडलो वंगण ब्रँड आसून ताचो बाजारांतलो वाटो 27% परस चड आसा.
कमी वजनाचो सिलींडर
इंडियन ऑयल कंपनीन कॉम्पोझिट एलपीजी सिलिंडर बाजारांत हाडला. तो सामान्य सिलिंडरा परस 50% कमी वजनाचो. तिख्याच्या सिलिंडरांपरस चड सुरक्षीत जो ५ किग्रॅ आनी १० किग्रॅ मेरेन मेळटा. भारतीय तेल म्हामंडळान 5 किलो एफटीएल(फ्री ट्रेड एलपीजी) सिलिंडर जाका किराणा स्टोर/ सुपरमार्केटांतल्यान “छोटू.” अशें म्हणटात. गिरायकाक आपल्या सोयी प्रमाण खंयच्याय शारांत एफटीएल सिलेंडर वापरूं येता. सिलिंडर पीओएस कडल्यान घेतल्यार गिरायकाक दर सिलिंडराक 500/- रुपया थारावीक रक्कम दिवन परतून खरेदी करपाचो पर्याय आसा.
ईव्ही चार्जिंग स्टेशनां
सोलरायझेशनः इंडियन ऑयलान गोंयांतल्या 10 किरकोळ विक्री केंद्रांक पयलींच सौरीकरण केलां. आनी मार्च 2023 मेरेन आनीक 4 आरओक सौरीकरण करपाची येवजण आसा आमी आमच्या वास्को टर्मिनलाक सौरीकरण करपाचीय येवजण आंखल्या. 7 किरकोळ विक्री केंद्रांनी सीएनजी सुविधा उपलब्ध आसा. इंडियन ऑयलान किरकोळ विक्री केंद्रांनी 10 ईव्ही चार्जिंग स्टेशनां स्थापन केल्यात आनी मार्च मेरेन आनीक 3 स्टेशनां स्थापन करपाची येवजण आसा.
इंडियन ऑयल ही देशांतली एक व्हडली आनी विस्वासांत घेवपा सारकी कॉर्पोरेट कंपनी आसून, ती एक अब्ज परस चड भारतीयांच्या जिविताक स्पर्श करता. 33,500 परस चड कामगार बळगें आसा. कंपनीचे राज्य मुखेली अनिर्बान घोष हांणी पत्रकार परिशदेंत ही म्हायती दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
