भांगरभूंय | प्रतिनिधी
सिलिंडराच्या स्फोटांत 20 परस अदीक खोंपींचो गोबर
भांगरभूंय । प्रतिनिधी
म्हापशें: आगरवाडो- कळंगूटे गॅस सिलिंडराचो स्फोट जावन भिरांकूळ उजो लागलो. ह्या उज्यांत भाड्याक दिल्ल्या सुमार 20 परस अदीक खोंपींचो लासून गोबर जालो.
आयतारा दनपारां ही दुर्घटणां घडली. पिळर्ण, म्हापशें आनी पर्वरीच्या उजो पालोवपी दळाच्या जवानांनी घडणुकेचे सुवातेर धांव मारून उजो नियंत्रणांत हाडलो. एका पंच वंगड्यान ह्यो खोंपी भाड्याक दिल्ल्यो.
सिलिंडराच्या स्फोटाक लागून लागिल्ल्या उज्यांत एके खोंपींत भाड्याक रावपी मनशान डब्यांत भरून दवरिल्ले 3.30 लाख रुपया लासून गेले. हे दुर्घटणेंत कोणाकूच दुखापत जावंक ना, पूण पत्र्यांच्या आदारान बांदिल्ल्यो ह्यो खोंपी भितरल्या सगळ्या सामानां सयत लाशिल्ल्यान व्हड लुकसाण जालें. कळंगूटे पुलिसांनी पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
