भांगरभूंय | प्रतिनिधी
मुख्यमंत्रीः गोवा चेंबर, जिएसआयएची अर्थसंंकल्पाचेर मुख्यमंंत्र्यांं कडेन चर्चा
पणजी : खासगी गुंंतवणुकीक उर्बा दिवपा सयत प्रशासकी सुदारणांंचो आस्पाव अर्थसंंकल्पांत आसतलो. वेवसाय सुलभीकरण, रोजगार निर्मिती हांंचेर भर दिवपी स्वयंंपूर्ण अर्थसंंकल्प हांंव सादर करतलों अशें मुख्यमंंत्री डॉ. प्रमोद सावंंत हांंणी सांंगलें. गोवा चेंबर, ल्हान उद्देग संंघटणेंच्या प्रतिनिधींं कडेन मुख्यमंंत्री डॉ. प्रमोद सावंंत हांंणी चर्चा केली.
उद्देजक तशेंच संंघटणेंच्या प्रतिनिधींंनी तरेकवार मागण्यो तशेंच सुचोवण्यो केल्यात. ह्या सुचोवण्यांचो विचार अर्थसंंकल्पांत जातलो. अर्थसंंकल्प 27 मार्चाक सादर जावचो ना. अर्थसंंकल्प सादर करपाची तारीख निश्चीत जावंंक ना.
खण, फार्मसी, शॅक, आयटी, पर्यटन, नुस्तेमारी संबंंदीत उद्देजकांंनी मुख्यमंंत्र्यांं कडेन चर्चा केली. शुल्क उणें करपा सयत व्हॅट तशेंच जिएसटीची पयलींची पद्दत लागू करपाची मागणी उद्देजकांंनी केल्या. येणावळ वाडोवप, खासगी गुंंतवणुकीक उर्बा दिवप, रोजगार निर्मितीचेर भर तशेंच प्रशासकी सुदारणा करपाचेर अर्थसंंकल्पांत भर आसतलो. उद्देजक तशेंच संंघटणेंच्या प्रतिनिधी कडेन चर्चा केले उपरांंत मुख्यमंंत्र्यांंनी ही म्हायती दिली.
उंंची सोऱ्या वेले अबकारी शुल्क
उणेंं करपाची चेंंबराची मागणी
स्कॉच तशेंच उंंची सोऱ्याचेर अबकारी शुल्क चड आसा. तशेंच ब्रँडी, व्हिस्की वेले अबकारी शुल्क सामके उणें आसा. स्कॉच आनी हेर उंंची सोऱ्या वेले अबकारी शुल्क उणें करचे आनी उण्या दर्जाच्या सोऱ्या वेले शुल्क वाडोवचे अशी मागणी गोवा चेंबरान केल्या. गोवा चेंबराचे अध्यक्ष राल्फ डिसोझा तशेंच हेर वांंगड्यांंनी अर्थसंंकल्पाचेर मुख्यमंंत्र्यांं कडेन चर्चा केली.
उंंची सोरो म्हारग आशिल्ल्या कारणान पर्यटक भायल्यान सोऱ्याच्यो बाटल्यो घेवन येतात. हाका लागून सोऱ्याच्या दुकानदारांंक येणावळ येना. कमी दर्जाचो सोरो सवाय आसा. सवाय सोरो मजूर तशेंच हेर लोक घेतात. विदेशी पर्यटक उण्या दर्जाचो सोरो घेनात. उंंची सोरो हेर राज्यांं परस गोंंयांंत म्हारग आसा. अबकारी शुल्क उणें केलें जाल्यार सोरो हेर राज्या इतलो सवाय जातलो.
तशेंच उद्देजक ऑयली बदला गॅसाचो वापर करपाक लागल्यात. गॅसाक लागून प्रदुशणाचें प्रमाण उणें जाता. गॅसाचेर हेर राज्यांं परस चड शुल्क आसा. महाराष्ट्र, कर्नाटकांत 5 टक्के शुल्क आसा. गोंंयांंत 12.5 टक्के शुल्क आसा. शुल्क उणें जालें जाल्यार गॅसीचो वापर वाडटलो, अशें गोवा चेंबराचे अध्यक्ष राल्फ डिसोझा हांंणी सांंगलें.
आयडीसींत मुळाव्यो सुविधा उबारच्यो : जीएसआयए
उद्देगीक वसणुकेंत मुळाव्यो सुविधांंचो उणाव आसा. वेर्णें उद्देगीक वसणुकेंत रस्त्यांंची स्थिती बाबत आसा. वीज पुरवण सुदारपा खातीर ट्रान्सफॉर्मर तशेंच मुळाव्यो सुविधा तयार जावपाक जाय. आयडीसीत रस्ते, उदक, वीज पुरवण सुदारपाची मागणी केल्या. हाचे खातीर अर्थसंंकल्पांत तजवीज आसपाक जाय, अशी मागणी गोंंय ल्हान उद्देग संघटणेन केल्या. अध्यक्ष दामोदर कोचकार हांंणी मुख्यमंंत्र्यांं कडेन चर्चा केली.
शॅकाचें शुल्क उणेंं करचें
शॅकाचें शुल्क खूब आसा. वर्साक 3 लाख रुपया शुल्क भरचे पडटा. सुरवेक 50 हजार शुल्क करचे अशी मागणी शॅक धनी संंघटणेचे अध्यक्ष क्रुज कार्दोज हांंणी केल्या. अर्थंसंंकल्पा पयलीं तांंणी मुख्यमंंत्र्यांं कडेन चर्चा केली. घाणयाऱ्या उदका खातीर यंंत्रणा उबारपाची मागणी शॅक धनी संंघटणेन केल्या.
रॅस्टोरंंण्टांनी सोऱ्याचो वेळ वाडोवचो
पर्यटक तशेंच हेर लोक रॅस्टोरंण्टांत रातीं 10 उपरांंत येतात. रातीं 11 वरांचेर सोरो दिवप बंंद करचे पडटा. रातचो सोरो दिवपाचो वेळ वाडोवचो अशी मागणी बार अॅण्ड रॅस्टोरंंण्ट संंघटणेन केल्या. अध्यक्ष मायकल कारास्को आनी हेर वांगड्यांंनी मुख्यमंंत्र्यांं कडेन चर्चा केली.
सुसज्ज भौशीक येरादारी वेवस्था जाय
सामान्य लोकांं खातीर सुसज्ज अशी येरादारी वेवस्था जाय. येरादारीची कोंयंडी जावपाचें प्रमाण बरेच वाडलांं. भौशीक येरादारी वेवस्थेंत सुदारणा जाली जाल्यार वाहनांंचो आंकडो उणो जावप शक्य आसा, टीटीएजीन ही मागणी केल्या. कोविडाक लागून पर्यटनाक बरोच फटको बसला. पर्यटन उद्देगान अजून उबारी घेवंंक ना. अर्थंसंंकल्पांत पर्यटन सेवांंचेर शुल्क लागू करचे न्हय, अशी मागणी टीटीएजीन केल्या. टीटीएजीचे अध्यक्ष निलेश शाह हांंणी मुख्यमंंत्र्यांं कडेन चर्चा केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
