भांगरभूंय | प्रतिनिधी
नवी दिल्ली, खबरां संस्था: रिझर्व्ह बँक ऑफ इंडियान सरकारी वेव्हार करपी सगळ्या बँकांक ३१ मार्चाक बँको चालू दवरपाचे निर्देश दिल्यात. गोंयांतल्योय बँको उक्त्यो आसतल्यो. ३१ मार्च दिसा ईद उल फित्र (रमजान ईद) आशिल्ल्यान ह्या दिसा भौशीक सुटी आसा. मात, अर्थीक वेव्हारांत कसलोच बोवाळ जावचो न्हय म्हणून आरबीआयन हो निर्णय घेतला.
३१ मार्चाक सरकाराचें अर्थीक वर्स सोंपता. म्हणल्यार सरकारी येणावळ, सेटलमेंटा कडेन संबंदीत आनी हेर सगल वेव्हार नवें अर्थीक वर्स सुरू जावचे पयलीं करप गरजेचें आसता.
रमजान ईद निमतान हिमाचल प्रदेश आनी मिझोराम सोडून सगळ्या राज्यांनी ३१ मार्च दिसा बँक हॉलिडे जाहीर केल्ली. ३१ मार्च दिसा सोंपपी २०२४-२५ ह्या अर्थीक वर्सा पावत्यो आनी देणगीदारां सयत सरकारा कडेन संबंदीत अर्थीक वेव्हाराचो योग्य हिशेब करपाक ह्या दिसाची सुटी रद्द केल्या. हेच फाटभूंयेर रिझर्व्ह बँक ऑफ इंडियान मुंबय, नागपूर, नवी दिल्ली, पणजी ह्या शारांच्यो सुटयो रद्द केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
