भांगरभूंय | प्रतिनिधी
१ जुलय सावन खाजगी मळावेल्या कांय व्हड बँकांच्या नेमांत बदल जातले. आयसीआयसीआय आनी एचडीएफसी ह्या दोन व्हड बँकांनी आपल्या सेवेचेर शुल्क वाडयलां. तुमी जर ह्या दोनूय बँकांचे गिरायक आसल्यार मागीर हाचो तुमचेर थेट सरळ परिणाम जातलो. तर कितें बदल जावपाचे आसात तें पळोवया.
ATM ट्रांजेक्शनाचेर शुल्क
ICICI बँकेचे कस्टमर्स जर खंयच्याय दुसर्या बँकेचें ATM वापरल्यार तें ३ फ्री ट्रांजेक्शना उपरांत फायनॅशियन ट्रान्झॅक्शनाचेर २३ रुपया नॉन-फाइनेंशियल ट्रांजेक्शनचेर ८.५ रुपया दिवचे पडटले. आदीं हो चार्ज २१ रुपया लागतालो. मेट्रो शारांत शुल्का बगर ३ ट्रान्झॅक्शनां आनी ल्हान शारांनी ५ शुल्का बगर ट्रान्झेक्शन मेळटलें.
IMPS ट्रांजेक्शन सेवा
तुमी जर बँकेंतल्यान IMPS वरवीं पयशे धाडटात जाल्यार तुमकां कसलो शुल्क लागतलो हें जाणून घेवया. १,००० रुपयां मेरेनचें ट्रान्झेक्शन आसल्यार तुमकां २.५० रुपया दरेका ट्रान्झेक्शना खातीर लागतले. १००० रुपयां परस चड आनी १,००,००० रुपयां मेरेन आसल्यार दरेक ट्रान्झेक्शन शुल्क लागू जातलें. तर १,००,००० रुपयां सावन आनी ५,००,००० रुपयां मेरेन जर ट्रान्झेक्शन आसल्यार शुल्क १५ रुपयां प्रति ट्रान्झेक्शन आसतले.
कॅश विड्रॉल
दर म्हयन्याक फकत ३ फुकट कॅश विड्रॉल आसात. उपरांत दरेक वेळाक १५० शुल्क घेतले. जर एका म्हयन्यांत १ लाखां परस चड पयशे काडले, जाल्यार ताचेर १,००० रुपयां फाटल्यान ३.५ रुपया वा १५० रुपया लागू जावपाक शकतात.
डेबिट कार्ड शुल्क
सामान्य गिरायकां खातीर वर्सुकी शुल्क ३०० रुपया आसतलें. जाल्यार गांवगिर्या वाठारांतल्या गिरायकां खातीर १५० रुपया. कार्ड शेणल्यार वा पिड्ड्यार जाल्यार नव्या कार्डा खातीर ३०० रुपया दिवचे पडटले.
डिमांड ड्राफ्ट आनी पे ऑर्डरवर शुल्क
तुमकां कॅश डिपॉजीट, चेक डिपॉजीट, डिमांड ड्राफ्ट आनी पे ऑर्डर सारकिल्ल्या सर्विसेसचेर आतां दरेकी १,००० रुपयां फाटल्यान २ शुल्क लागतले. जाल्यार उण्यात उणे ५० रुपया आनी चडांत चड १५,००० रुपया शुल्क आसा.
HDFC बँकेच्या क्रेडीट कार्ड नेमांत बदल
गेमिंग ऍप्सचेर म्हळ्यार Dream11, MPL ह्या ऍपांचेर जर दर म्हयन्याक १०,००० परस चड खर्च केलो, जाल्यार तुमकां ताचेर १% चड शुल्क लागतलो. म्हयन्याक हो चार्ज फकत ४,९९९ रुपयां मेरेन घेवपाक शकतात. ताचे वांगडा ट्रान्झेक्शनाचेर कसलोच रिपॉर्ड पॉयंट दिनात. थर्ड पार्टी वॉलेट्स सारक्या पेटीएम, मोबिक्विक, फ्रीचार्ज, ओला मनीत जर तुमी दर म्हयन्याक १०,००० रुपयां परस चड डिपॉजीट केल्यार ताचेरूय १% चार्ज लागतलो आनी तातूंत आशिल्लो शुल्क सीमाय ४,९९९ दर म्हयन्याक आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
