भांगरभूंय | प्रतिनिधी
कपिलेश्वरी- कवळेंच्या कपिलेश्वर देवळाचो पुन:प्रतिश्ठापनेचो १६ वो वर्धापनदीस शेनवार ७ मेक मनयतले. ते निमतान गोवा एन्टरटेन्मेंंट सिडिकेट्स प्रस्तुत ‘हे कपिलेश्वर’ ही ध्वनीफीत आनी चलचित्र देवाच्या पांयार ओंपतले. हो सुवाळो सांजे सवाय स वरांचेर देवळाच्या मंडपांत जातलो. मुखेल सोयरे म्हूण वीजमंत्री सुदिन ढवळीकार हजर आसतले. विशेश अतिथी म्हूण देवस्थानाचेअध्यक्ष देवेंद्र ढवळीकार आनी कवळेंचे सरपंच राजेश कवळेंकार हाजीर आसतले.
हे ध्वनीफितीचे गायक, संगीतकार अनिकेत दड्डीकार, लेखक- संकलक महानंद ग. सतरकार आनी दिग्दर्शक- संयोजक अभिषेक नायक हे आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
