भांगरभूंय | प्रतिनिधी
पैंगीणच्या श्री श्रद्धानंद विद्यालयांत सुरू केल्ले रोटरी क्लब आॅफ पणजी हांचे म्हत्वाकांक्षी येवजणेंतल्या ‘हॅप्पी स्कूल’ प्रकल्पाचो शुभारंभ फाल्यां, आयतारा, 1 मेक सांजवेळा 4 वरांचेर मुख्यमंत्री डाॅ. प्रमोद सावंत हांचे हस्तुकीं जातलो.
ह्या वेळार सभापती रमेश तवडकार मानाचे सोयरे म्हणून हाजीर रावतले जाल्यार मार्कसन्स फार्माचे कार्यकारी संचालक वर्धमान जैन आनी पणजी रोटरी क्लबाचे अध्यक्ष सुनील मोने खाशेले निमंत्रीत सोयरे म्हणून उपस्थीत रावतले अशें श्रद्धानंद विद्यालयाची मुख्याध्यापिका सीमा प्रभुगांवकार हांणी कळयलां.
मजगतीं, भारतीय जनता पार्टीच्या काणकोण मंडळान विजय संकल्प पुर्ती मेळाव्याचें आयोजन केलां. सांजवेळा 5 वरांचेर चावडी वयल्या गायतोंडे खेळां मैदानार हो मेळावो जातलो.
ह्या मेळाव्याचें निमित्त सादून मुख्यमंत्री डाॅ. प्रमोद सावंत, सभापती रमेश तवडकार, समाज कल्याण मंत्री सुभाष फळदेसाय, भौशीक बांदकाम खात्याचे मंत्री निलेश काब्राल, आमदार गणेश गांवकार, आमदार उल्हास तुयेंकार आनी आमदार दाजी साळकार हांचो भाजपा मंडळ आनी काणकोण नागरिकांचे वतीन नागरी सत्कार जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
