भांगरभूंय | प्रतिनिधी
चंद्राचेर उदक खंय आसा हे जाणून घेवपा खातीर तंत्रज्ञानान बरीच उदरगत केल्या. पूण हाताच्या तळटार नाल्ल वा उदकाचो ग्लास घेवन धर्तरेर उदक सोदपाची परंपरीक रीत आजूनय गांवगिर्या वाठारांनी चालूच आसा.
खुबशे शेतकार आपाल्या शेतांत बोअरवेल बसोवपा खातीर फिल्ड सर्व्हेअर हाडटात. शेतांतलो उदकाचो स्रोत सोदपा खातीर ते एके वस्तुचो वापर करतात आनी उदक आशिल्ल्याचें समजता थंय फोंडकूल मारतात. उदकाचो सोद घेवपा खातीर ज्यो वस्तू वापरतात तातूंत नाल्ल, इंगलीशींत ‘ध’ अक्षरा प्रमाण दिसपी कोडूलिंबाची काडी, उदकान भरिल्लीं दोन आयदणां अशा गजालींचो आसपाव आसा.
उदकाचो स्रोत कसो सोदता?
सुरेंदर रेड्डी हांणी तांकां खबर आशिल्ल्या कांय पद्दतीं वरवीं जमनींतल्या प्रवाहाचो सोद घेतिल्लो. ते शेतांत उदक सोदपा खातीर नाल्ल, कोडुलिंबाची खांदी वा उदकाचो तांबयो दवरतात. ते नाल्ल हाताच्या तळटार दवरतात. नाल्लाची शेंडी बोटांचे दिकेन आसता. अशे तरेन ते नाल्ल हातार दवरून पुराय शेतांत भोंवतात. खंयचेय एके सुवातेर जर नाल्ल सरळ जालो जाल्यार थंय उदक आशिल्ल्याचो अदमास ते उक्तायतात. केन्ना केन्ना ते कोडू लिंबाची फांदी घेवनूय उदकाच्या सोदाक भोंवतात. जंय उदक आसता थंय बडी सरळ रावता.
जमिनींत उदक सोदपाचे यत्न
पेंड्युलम पद्धत आनी एल रॉड पद्धत ह्यो पुरायेन विज्ञानीक पद्धती न्हय. पूण ह्या दोन पद्धती वरवीं उदकाच्या प्रवाहाची दिका वळखूं येता. पूण उदक कितले खोलायेर आसा हें समजपाक शकना, अशेंय सुब्बारेड्डी हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
