भांगरभूंय | प्रतिनिधी
पेडणें ः हसापूरांत रावपी आनी सध्या उगवेंचे मुळावे शाळेंत शारिरीक शिक्षक म्हणून कार्यरत आशिल्ले विनोद भगवान मळीक हांकां राजस्थानांतल्या जगदीशप्रसाद झाबरमल टिम्बडेवाला विश्वविद्यालयान शारिरीक शिक्षण ह्या विशयांतली पीएचडी भेटयली.
तांणी विद्यापीठाक गोंय राज्यांत एक अनिवार्य विशय म्हणून शारिरीक शिक्षण करपाचे नदरेन शिक्षणतज्ञांचें मत आनी दृश्टीकोन हाचेर एक अभ्यास हो प्रबंध सादर केलो. तांकां एस. जे. जे. टी. राजस्थान विद्यापीठाचे डाॅ. जुली ओझा हांचें मार्गदर्शन लाबलें. तांकां हे खातीर डाॅ. संदीपराज औताडे, भारती विद्यापीठ, पुणे हांचें सहकार्य मेळ्ळें. हसापूरांतल्या डाॅ. भिवा मळीक हांचे उपरांत डाॅक्टरेट मेळोवपी विनोद मळीक हे दुसरे शिक्षक आसात. डाॅ. विनोद मळीक हांचें सगल्या थरांतल्यान कवतूक जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
