भांगरभूंय | प्रतिनिधी
भांगरभूंय । प्रतिनिधी
पणजीः 2013 वर्सा जाल्ल्या ताळगांव हांगच्या हसन खान खून प्रकरणाची सुनावणी बिरेस्तार पुराय जाली. उत्तर गोंय जिल्हो आनी सत्र न्यायालान आपलो निकाल 3 ऑगस्ट मेरेन राखीव दवोरला. हसन हाचो 22 मार्च 2013 दिसा खून केल्लो. ताची कूड बांबोळे हांगा ताचे गाडयेंत मेळिल्ली.
आगशी पुलिसांनी खण खात्याचो आदलो कर्मचारी रॉबर्ट गोन्साल्वीस, अभिनंदन पटेल, अनिल भुये, रवी पाटील, अरूण पाटील, शिवाजी पाटील आनी अनिकेत यल्लुककार ह्या दुबावितांक अटक केल्ली. पुलिसांनी 9 जुलय 2013 दिसा उत्तर गोंय जिल्हो आनी सत्र न्यायालांत 740 पानांचें आरोपपत्र सादर केल्लें. वट्ट 78 जाणांच्यो साक्षी नोंद केल्लो. मुंबय उच्च न्यायालयाच्या गोंय खंडपिठान 31 डिसेंबर 2021 पयली सुनावणी पुराय करपाक जिल्हो आनी सत्र न्यायालयाक दुबावीत अभिनंदन पटेल हांच्या अर्जाचेर निकाल दितना सांगिल्लें. ताका लागून पयलीं प्रलंबीत आशिल्ली सुनावणी नेमान सुरू केल्ली. पटले हाणे परत अर्ज करतकूच 30 जून 2022 मेरेन सुनावणी पुराय करपाक न्यायालयान सांगिल्लें. मात सत्र न्यायालनात तीन महिने मुजत वाडीची मागणी केल्ली ती न्यायालयान मानून घेतिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
