भांगरभूंय | प्रतिनिधी
हरमल, बातमीदार: पावसांत उदक नासप म्हळ्यार अजापाची गजाल. सकयलो वाडो, हरमलचे नागरीक पावसाच्या दिसांनीय उदका खातीर वळवळटात. सध्या नळांक उदक नाशिल्ल्याचो अदमास घेतना चवथीच्या काळांत कितें जातले हो विचार करप ह्या लोकांक कठीण जालां.
हे विशीं उदका पुरवण खात्याचे अधिकारी आनी अभियंते दिकाभूल केल्ल्यान आमदार जित आरोलकार हांणी लक्ष घालून ही समस्या सोडोवपाची मागणी लोक करतात.
सकयलोवाडो वाठारांत विशेश म्हळ्यार वस्त वाड्यार ग्रामस्थांक उदका खातीर वळवळचें पडटा. तांकां फकत नळाच्या उदकाचेर निंबून रावचें पडटा. दोन वर्सां आदीं उदकाचे समस्येन नागरिकांनी ‘हरमल बंद’चो निर्णय घेतिल्लो. तेन्ना आदले आमदार दयानंद सोपटे आनी तेन्नाचे अभियंते तशेंच हेरांनी वस्तवाड्यार दुरुस्ती करून उदक सुरू केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
