भांगरभूंय | प्रतिनिधी
पणजी : सोनिया फोगट खून प्रकरणांत मुख्यमंंत्री डॉ. प्रमोद सावंंत तशेंच पुलिसांंनी जीं उलोवपां केल्यांत ताचे वेल्यान फोगटाच्या कुटुंबाचो मुख्यमंंत्री डॉ. प्रमोद सावंत हांंचेर विस्वास नाशिल्ल्याचें स्पश्ट जालांं. हाका लागून कुटुंंबांन सीबीआय चवकशेची मागणी केल्या अशें गोवा फॉरवर्डाचे अध्यक्ष विजय सरदसाय हांंणी म्हणलां.
सोनिया फोगटाच्या मरणाचे पयलीं अनैसर्गीक मरण अशी नोंंद जाली. पुलिसांंनी खुनाचो गुन्यांव नोंंद केलो ना. उपरांंत तांंणी खुनाचो गुन्यांव नोंंद करून तपासाक सुरवात केली. आतां सोनिया फोगटाच्या कुटुंबान हरियानाच्या मुख्यमंंत्र्यांंची भेट घेवन तपास सीबीआय कडेन दिवपाची मागणी केल्या. हरियानाच्या मुख्यमंंत्र्यांंची कुटुंंबान भेट घेवप ही सादी गजाल न्हय. कुटुंंबांचो मुख्यमंंत्री डॉ. प्रमोद सावंंत तशेच गोंंय पुलिसांंच्या तपासाचेर विस्वास ना. पयलींच खुनाचो गुन्याव नोंंद जावन तपास जावपाची गरज आशिल्ली अशें आमदार विजय सरदेसाय हांंणी म्हणलां.
सिद्धी नायकाचो तपास सीबीआय कडेन कित्याक ना?
सोनिया फोगट ही भाजपाची फुडारी आसा. तिच्या खुनाचो तपास सीबीआय कडेन दिलो. कांय म्हयन्यांं पयली सिद्धी नायक हिका दुबावीत रितीन मरण आयिल्लें. गोंंय पुलिसांंनी तपास बंंद केला. सिद्धी नायकाच्या मरणाचो तपास सीबीआय कडेन कित्याक दिनात? गरिबांंक वेगळो न्याय कित्याक? असो प्रस्न विजय सरदेसाय हांंणी केला. भाजप सरकाराच्या काळांत गरिबांंचेर अन्याय जाता हें हातूंतल्यान स्पश्ट जाता अशे तांंणी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
