भांगरभूंय | प्रतिनिधी
भांगरभूंय । खबरां मेज
पणजीः ‘सेव दी गर्ल चायल्ड’ संदेश लोकां मेरेन पावोवपा खातीर आयतारा आयोजीत केल्ले बायलांचे आनी चलयांचे अखील गोंय सायकल रायडांत 80 सायकलिस्टांनी 100 किलोमीटर आनी 50 किलोमीटर सर्त पुराय केली. मंडगांवच्या सास्टी रायडर्सान दक्षीण गोंय जिल्हो मेजिस्ट्रेट आनी जिल्हो प्राधिकरण पीसी- पीएनडीटी एक्ट हांच्या पालवान ही वर्सुकी सर्त आयोजीत केल्ली.
दक्षीण गोयची उपजिल्होधिकारी स्नेहल प्रभू हिणे हे सर्तीक बावटो दाखोवन सुरवात केली. तातूंत 10 तें 70 वर्सां पिरायेच्या सर्तकांनी वांटो घेतिल्लो. तातूंत आवयो आनी तांच्या चलयांचो आसपाव आशिल्लो. सर्ती उपरांत सर्तकांक ब्रेकफास्ट दिलो. दरेका सर्तकाक ‘फिनिशर्स मेडल’ दिलें.
गो गर्ल्स गो सर्त आयोजीत करपाक चॅम्प गोंय, वेर्णा उद्देगीक वसणूक असोसिएशन, मडगांव रवींद्र भवन, डेली क्रॅयोन, फास्ट अॅण्ड अप हांणी पालोव दिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
