भांगरभूंय | प्रतिनिधी
23 खेपेचे ग्रॅण्ड स्लॅम चॅम्पियन सेरेना विलियम्स रोखडीच निवृत्त जावपाक शकता. दिग्गज खेळगडयेन काल सोशल मिडियाचेर हे विशीं म्हायती दिली. वर्साचे अखेरेक जावपी अमेरिकन ओपना उपरांत निवृत्त जावपा विशीं विचार सुरू केला. सेरेना पयले खेपे 1999त अमेरिकन ओपन जिखिल्ली.
विलियम्स जे तरेन खेळटाली तशी ती फाटल्या कांय काळां पसून खेळटना दिसनाशिल्ली. ती सातत्यान सर्तींनी वांटो घेनाशिल्ली.
निवृत्त हें उतर आपल्याक आवडना. हांव ताका जिणेची उत्क्रांती म्हणीन. आपूण फुडल्या टप्प्याचो विचार करीत आसा अशें तिणें सांगलें.
जिणेंत एक वेळ येता जेन्ना आमकां वेगळे दिकेन वचपाचो निर्णय घेवचो पडटा अशें 40 वर्सां पिरायेचे टॅनीस खेळगडयेन इंस्टाग्रामा वयल्या एका पोस्टांत म्हणलां.
सेरेनान ऑस्ट्रेलियन ओपन 2003, 2005, 2007, 2009, 2010, 2015, 2017 जिखल्या, फ्रॅंच ओपन 2002, 2013 आनी 2015 जिखल्या, विम्बल्डन 2002, 2003, 2009, 2010, 2012, 2015 आनी 2016 आनी अमेरिकन ओपन 1999, 2002, 2008, 2012, 2013 आनी 2014त जिखल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
