भांगरभूंय | प्रतिनिधी
पणजी ः देशांतल्या पयल्या पाककलेच्या इन्क्युबेटर ‘फियर्स किचन’ कडेन केल्ल्या सहकार्याचो एक भाग म्हूण सेरेंडिपिटी कला महोत्सव आतां गोंयच्या घरगुती रांदप्यांक तांची रांदपाची कुशळटाय दाखोवपाची संद दिता.
सेरेंडिपिटी २०२३ च्या फूड कोर्टाच्या भाग म्हणून फियर्स किचनाची निवड जाल्या. महोत्सवाच्या काळांत (15 ते 23 डिसेंबर) फूड-स्टॉल चलोवपा खातीर इनक्युबेटराक णव अपवादात्मक घरगुती शेफांची गरज आसा.
कामाक्षी रांदपाची संस्था आनी गोंय इन्स्टिट्यूट ऑफ मॅनेजमेंट हांणी आयोजीत केल्लो फियर्स किचन हो उपक्रम. घरगुती शेफ आनी फूड-प्रेन्युअर्सना तांचे स्टार्टअप आनी प्रदर्शन प्रदर्शित करपाची संद सेरेंडिपिटी महोत्सव दिता. गोंयांतले सहकार आनी घरगुती रांदपी ही आपल्या रांदपा वरवीं थळाव्या आनी देशी उत्पादनांचो प्रचार करपाची आवड आशिल्ल्या लोकां खातीर एक बरी संद.
स्टॉल विशीं चड म्हायती खातीर 9860081994 ह्या नंबराचेर संपर्क सादचो, वा www.fiercekitchens.com ह्या संकेतथळाक भेट दिवची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
