भांगरभूंय | प्रतिनिधी
घराघरांनी वचून पंचायत वेंचणुकेचो प्रचार
भांगरभूंय । प्रतिनिधी
दिवचलः पंचायत वेंचणुकेंत दिवचल म्हालांतल्या सुर्ल पंचायतीच्या सात प्रभागांतल्यान 21 उमेदवार वेंचणूक रिंगणांत देंवल्यात.
सिद्धेश्वर नगर, देवूळवाडो, तारमाथो, भिले, जोशीभाट, खडप, भायली फाळ, कडचाळ, बाराजण, खोडगिणें, डिंगणें, सकयलें बाये, मडकयकारवाडो, भामयकारवाडो, वयलें बाये, गांवकारवाडो, उमर्ये, घाडीवाडो, अगडये, घोडकातड ह्या वाड्या वयल्या मतदारांच्या हातांत 21 उमेदवारांचो फुडार निंबून आसा.
प्रभाग 1 तल्यान विश्रांती सुर्लकार, मनिषा सोननायक, स्नेहा शिरोडकार, अर्चना नार्वेकार, प्रभाग 2 तल्यान सुभाष फोंडेकार, प्रदीप फोंडेंकार, प्रभाग 3 तल्यान भोला खोडगीणकार, दीपक खोडगीणकार, प्रभाग 4 तल्यान वंजिता कालेकार, सानवी मडकयकार, सीमा गावडे, प्रभाग 5 तल्यान आपा भामयकार, दिनेश मडकयकार, प्रभाग 6 तल्यान प्रशांती घाडी, सुचिता गांवकार, सुचिता घाडी, दिशा घाडी, सृजना घाडी, प्रभाग 7 तल्यान पूर्णवी सुर्लकार, शाणू सुर्लकार, संतोष मावळीकार हें उमेदवार वेंचणूक लडयतात. सुर्ल पंचायतीचे आदले दोन सरपंच सुभाष फोंडेंकार आनी भौला खोडगीणकार पंचायत वेंचणुकेच्या रिंगणांत देंवल्यात. जाल्यार आदलो पंच महेंद्र शिरोडकार आनी प्रशांत गांवकार हांणी आपले घरकान्नींक वेंचणूक रिंगणांत देंवयल्यात. तशेंच सुरेखा खोडगीणकार हांणी आपल्या घरकाराक वेंचणुकेंत उबो केला. हे खेपे सुर्ला सगळ्यांत उणे पिरायेची उमेदवार पूर्णवी सुर्लकार रिंगणांत देंवल्या.
हे खेपे दोन प्रभाग वजा
सांखळी सुर्ल पंचायत वाठारांतल्या 9 प्रभागांतल्यान 2 वजा केल्यात. ताका लागून हे खेपे सातूच प्रभागांत वेंचणूक जातली. प्रभाग रचनेंत व्हड बदल जाल्ल्यान ताचे विवीध पडसाद उमटल्यात. प्रभाग 2, 3 आनी 5 प्रभागांत थेट लडती जातल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
