सुरेखाताई

भांगरभूंय | प्रतिनिधी

सुरेखाताई ही म्हजी भयण. आमचे सुखठणकार घराण्यांत सगलीं एकठांय आशिल्ल्यान ‘चुलत’ हो शब्द नाशिल्लो. सुरेखाताई म्हज्या चुलत काकालें चली. पूण, सख्खे भयणी परस आमकां लागीं आशिल्लें. 

गोंयां येतकच केन्ना आमी पणजे, आमच्या भाटांनी मनाक येता तेन्ना वचप. काळ- वेळ नाशिल्लो. सुरेखाताई सदांच हांसतमुख. ताका आमचे घरांतले म्हणटाले, ‘तूं खंयचे कंपनींत आसा हें सांगपाक नाका!’. कोलगेट कंपनींत आशिल्लें तें, ताचें हांसप खळखळून आशिल्लें. 

आमी सगलें गोंय दोगांयनी भोंवून पळयलां. खूब यादी आसात ताच्यो. तें म्हज्याकूय चार, पांच वर्सांनी व्हड. पूण वयाचें अंतर आमचे मदीं केन्नाच आयलें ना. इतली आमी दोगांयनी मजा केल्या. यादी उरतात, मनशां उरनात. म्हज्या सगल्या काकांनी आनी काकींत, नाना आनी काकी चड आवडटाली. नाना मायेस्त आनी काका आमी आमकां जाय ते करून घालपी. आमकां कसलेंच बंधन नाशिल्लें. तीं गोंयां येता म्हणल्यार आमकां आनंद जातालो. तांचें हें चली सुरेखाताई. 20 जानेवारीक तें गेलें. फाटल्यान सगल्यो यादी दवरून. यादी ताच्यो सगल्योच ताचे भशेन सुंदरुच आसात. 

आतां हें बरयतना पसून म्हाका दिसता, ते येतलें आनी म्हणटलें, ‘रंजन तुला आठवण आहे का गं त्या गाण्याची ‘रफ्ता रफ्ता तुम हमारे’ आनी हे म्हणटकच आमची दोगांयची हांसून हांसून गुळी जाताली. पूण आतां सुरेखाताई येवचें ना, हांसो आयकूंक येवंचोना. आतां ही संवय करून घेवपाक जाय. सुरेखाताई, जरी तूं आमच्यांतल्यान गेलें तरी आमी भयणी तुका विसरूंक शकचीं नात. तूं आमचे मदींच उरतलें, सासणाचें…. म्हजीं तुका आर्गां. 

शुभांगी नेवरेंकार

7875444752