भांगरभूंय | प्रतिनिधी
भांगरभूंय । प्रतिनिधी
म्हापशेंः आसगांव हांगच्या वादग्रस्त सिली सोल्स बार आनी रेस्टॉरन्ट संबंदीची सगळीं कागदपत्रां येता त्या सात दिसांत सादर करपाचो आदेश बार्देश बीडीओन आसगांव पंचायत सेक्रेटरीक दिला. फाटल्या कांय दिसां सावन ह्या रेस्टॉरन्टा वयल्यान आरोप- प्रत्यारोप जातात. आरटीआय वावुरपी अॅड आयरीश रॉड्रिग्ज हांणी म्हायती हक्क कायद्या खाला म्हायती एकठांय करून सरकारी यंत्रणे कडेन कागाळ दाखल केल्या.
हे कागाळेची दखल घेवन अबकारी खातें, पंचायत आनी नगरनियोजन खात्या वतीन चवकशी सुरू आसा. पंचायत खात्यान फाटल्या 27 जुलयाक बीडीओ कार्यालयाक बार आनी रेस्टॉरन्ट संबंदीचो अहवाल सादर करपाक सांगिल्लें. आतां बीडीओन आसगांव पंचायत सेक्रेटरीक कागदपत्रां सादर करपाक सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
