भांगरभूंय | प्रतिनिधी
मडगांव ः साश्ट म्हालांतले पंचायत वेंचणुके खातीर उमेदवारां कडल्यान दाखल जातल्या अर्जांचो आंकडो दिसानदीस वाडत आसा. शेनवारा वट्ट 220 उमेदवारांनी अर्ज भरले. साश्ट म्हालांतल्या 33 पंचायतींतल्या 277 सुवातां खातीर वट्ट 809 उमेदवारी अर्ज वेंचणूक अधिकाऱ्यां कडेन पावल्यात.
कांय वाॅर्ड राखीव आशिल्ल्यान दुसऱ्या वाॅर्डांतल्यान वेंचणूक लडोवपा खातीर कांय उमेदवारांनी अर्ज भरल्यात. फाल्यां, सोमारा, 25 जुलय हो उमेदवारी अर्ज भरपाचो निमाणो दीस आसा. सोमारा उमेदवारी अर्ज भरपा खातीर गर्दी जावपाची शक्यताय आसा.
मंगळारा, 26 जुलयाक अर्जांची छाननी जातली आनी बुधवारा, 27 जुलयाक अर्ज फाटीं घेवंक मेळटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
