भांगरभूंय | प्रतिनिधी
भांगरभूंय । प्रतिनिधी
सावयवेरेंः सावयवेरें हांगच्या श्री शांतादुर्गा देवस्थानात 29 आनी 30 ऑक्टोबराक भजनी सप्ता जातलो. शेनवार 29 ऑक्टोबराक दनपारां 12 वरांचेर सप्ताक सुरवात जातली. रातीं 10 वरांचेर श्री अनंत देवस्थान तें शांतादुर्गा देवस्थाना मेरेन दींडी आनी चित्ररथ मिरवणूक जातली.
आयतार 30 ऑक्टोबराक सकाळीं 10 वरांचेर अनंत देवस्थान ते शांतादुर्गा देवस्थाना मेरेन खासा दींडी काडटले. दनपारां 12 वरांचेर आरत्यो, तीर्थप्रसाद आनी म्हाप्रसादान सप्ताचो समारोप जातलो. ह्या निमतान वाड्या वयल्या सात भजनी पार जातले. तातूंत मदलो वाडो, चाफेभाट- बिद्रूक- अमराय, पाली-बोणये- चाफाट, कावंगाळ, शीलवाड, सावय- गाणो आनी वेलकाक-खेडें हांचो आसपाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
