भांगरभूंय | प्रतिनिधी
भांगरभूंय । प्रतिनिधी
पणजीः गोंय फार्मसी म्हाविद्यालयात फार्माकोलॉजी फाट्याच्या एम फार्म परिक्षेंत पयलो नंबर मेळयल्ले खातीर संवसारीक फार्मासिस्ट दीस कार्यावळींत सायली सुरेश गावडे हाका गोंय सरकारचे भलायकी सचीव अरूण मिश्रा हांचे हस्तुकीं भोवमान केलो. ह्या वेळार अन्न आनी वखदां प्रशासन खात्याची संचालिका ज्योती सरदेसाय आनी म्हाविद्यालयाचे प्राचार्य गोपाळकृष्ण राव हाजीर आशिल्ले.
सायलीन 2020-21 वर्सा एम फार्म पदवी मेळयल्ली. मात कोरोना म्हामारीक लागून ही कार्यावळ जावपाक शकली ना. फाटल्या आयतारा फार्मसी म्हाविद्यालयाच्या सभाघरांत जाल्लें कार्यावळींत सायली गावडेन एम फार्म परिक्षेंत पयलो नंबर मेळयल्ले खातीर डॉ सुरेश विनायक नागवेकार तशेंच शंकर केशव बोरकार व श्रीमती प्रेमा शंकर बोरकार पुरस्कार मुखेल सोयरे अरूण मिश्रा हांचे हस्तुकी दिले. फार्मसी म्हाविद्यालयाच्या अंदूचे शैक्षणीक वर्सा बी फार्म आनी एम फॉर्म परिक्षेंतल्या गुणवंत विद्यार्थ्यांक पुरस्कार भेटयले.
संवसारीक फार्मासिस्ट दिसा निमतान सौ. ज्योती सरदेसाय, डॉ प्रवीण खुल्लर, सौ. मंगला कदम आनी डॉ राजश्री गुडे हांचो भोवमान केलो. पारंपरिक दिवली पटोवन कार्यावळीची सुरवात जाली. भारतीय फार्मास्युटिकल्स असोसिएशनाचे (आयपीए) अध्यक्ष डॉ गोपाळ कृष्ण राव हांणी सगल्यांक येवकार दिलो. भलायकी सचीव अरूण कुमार मिश्रा आनी ज्योती सरदेसाय हांणी आपले विचार मांडले. वेर्णा हांगच्या व्हेर्गो फार्मा संशोधन लॅबोरेटरिजचे कार्यकारी संचालक डॉ प्रवीण खुल्लर हांचें बीज भाषण जालें. आयपीएचो सचीव प्रसाद तांबा हाणी निमाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
