भांगरभूंय | प्रतिनिधी
भांगरभूंय । प्रतिनिधी
काणकोणः अलिखीत कबलाती प्रमाण सायमन रेबेलो 14 म्हयन्या उपरांत काणकोण पालिका मंडळाच्या नगराध्यक्षपदाचो राजिनामो दिवपाचे तयारेंत आसा. मेळिल्ले म्हायती प्रमाण बुधवारा ते आपल्या पदाचो राजिनामो दितले. उपरांत चावडी वॉर्डाचो नगरसेवक रमाकांत नायक गांवकार नगराध्यक्ष जातले.
बुधवारा जरी रेबेलो हांणी राजिनामो दिलो तरी 16 ऑगस्ट मेरेन ते पदार रावतले. राजिनामो दिल्या उपरांत तो सात दिसां उपरांत स्विकारतात. रेबेलो हांचे हस्तुकीं अंदू दुसरे फावट स्वातंत्र्य दिसा तिरंगो हुबोवपाची कार्यावळ जातली. 2021 वर्सा मार्च म्हयन्यांत पालिका वेंचणूक जाले उपरांत 12तल्या सात भाजपा समर्थक नगरसेवकांनी वेगळो गट करून 1 एप्रिलाक रेबेलो हांका नगराध्यक्ष केल्लें.
अलिखीत कबलाती प्रमाण रेबेलो उपरांत रमाकांत नायक गांवकार, देवाबागची नगरसेविका सारा नायक देसाय आनी पाळोळेचो नगरसेवक लक्ष्मण ऊर्फ बकाल पागी नगराध्यतक्ष जावपाचो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
