भांगरभूंय | प्रतिनिधी
अगस्तीपूर फोंडेंच्या श्री माधव रामेश्वर गोविंद पुरुष देवळाची वर्सुकी जात्रा सोमार, ११ नोव्हेंबराक विवीध धर्मीक आनी सांस्कृतीक कार्यावळींनी मनयतले. ह्या निमतान रातच्या ८ वरांचेर पालखी उत्सव जातलो. उपरांत उत्सवाची सांगता जातली.
—
बांदोडा-नागेशीच्या श्री नागेश महारुद्र संस्थानांत श्रीनागेश महालक्ष्मी शिबिकोत्सवाचें आयोजन केलां. ह्या निमतान पेटी वादक पं. विश्वनाथ बुवा कान्हेरे हांची पेटी वादनाची कार्यावळ ११ नोव्हेंबराक आयोजीत केल्या. ही कार्यावळ सांजेवेळार ७.३० वरांचेर जातली.
—
आजोबा समाजीक आनी सांस्कृतीक मंडळ होंडें सत्तरी वतीन आयतार १७ नोव्हेंबराक सांजेवेळार ७ वरांचेर देवकुंडेश्वर देवस्थान पंचायतनांतल्या आजोबा देवळांत अखील गोंय आकाशदिवो सर्तीचें आयोजन केलां. हे सर्तींत सर्तकांनी व्हडा संख्येन वांटेकार जावचें असो उलो आयोजकांनी मारला. हे सर्तींत वांटेकार जावपा खातीर अनंत धुमे (८३९० ८३१०३५), मंजुनाथ प्रभू (७५८८४२९२३) वा सत्यवान नायक (८७८५६७१२१ हांचे कडेन संपर्क करचो.
—
तारीवाडा माशेलांतल्या साईकला मंडळाचो ३२ वो वर्धापन दीस सुवाळो १६ नोव्हेंबराक सांजेवेळार ६.३० वरांचेर विंगड विंगड कार्यावळींनी मनयतले. ह्या निमतान ३२ वी आखील गोंय आकाशदिवो सर्त आयोजीत केल्या. तशेंच फॅन्सी ड्रेस सर्त आनी सोलो डान्स सर्तीचें आयोजन केलां. ह्या सर्तीं खातीर नांव नोंद आनी चड म्हायती खातीर ९८२३७६४९५०/९८५०४०२०८८ ह्या नंबराचेर संपर्क करपाचो उलो आयोजकांनी मारला.
—
कुंभारजुवेंच्या सार्वजनीक गणेशोत्सव सांस्कृतीक कला आनी खेळां मंडळा वतीन अखील गोंय पयली आकाशदिवो सर्त १६ नोव्हेंबराक सांजेवेळार ७ वरांचेर छत्रपती चक, आदलो बसस्टँड कुंभारजुव्यां आयोजीत केलां. मेटलचे आकाशदिवे सर्तींत स्विकारचे ना. नांव नोंदणी खातीर दर्शना फडते (९३०७१४८५६२) हांकां संपर्क करचो.
—
फाटल्या २५ वर्सां सावन सेगीत गोमंतक मराठी भाशा परिशद फोंडें – गोंय, स. प्रो. बाळकृष्ण वामन सावड्डेंकार मराठी वक्तृत्व सर्तीचें आयोजन करता. २० नोव्हेंबर ते २२ डिसेंबर मेरेन हे सर्तीची म्हाल पांवड्यार फेरी घेतले. निमाणी फेरी मंगेशींच्या वागळे हायस्कुलांत २२ डिसेंबराक सकाळच्या ९ वरांचेर घेतले. दिवचले केंद्रांत ही सर्त ३० नोव्हेंबराक जातली. हे सर्ती विशीं चड म्हायती खातीर दिवचल केंद्र मुखेली कालिदास उमर्ये (९९७५९६२९५१) हांचे कडेन संपर्क करचो असो उलो आयोजकांनी मारला.
—
आखाड्यावेल्या श्री पांडुरंग देवळांत दर वर्सा प्रमाण अंदूंय २४ वरांचें अंखड भजनी सप्तक मंगळार १२ नोव्हेंबर ते बुधवार १३ नोव्हेंबराक भक्तीभावान समेस्त देवळाच्या महाजनां वतीन मनयतले. ह्या सप्तकाचे श्रृती आनी अमर भोसले आसात. ह्या दोनूय दिसा विंगड विंगड सांस्कृतीक आनी धर्मीक कार्यावळींचें आयोजन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
