भांगरभूंय | प्रतिनिधी
भांगरभूंय । प्रतिनिधी
मुरगांव: साईबाबाचेर आमची उपाट श्रध्दा आशिल्ल्यान खंयच्याय कामाची सुरवात आमी ताचो आशिर्वाद घेतात. सड्या वयल्या साई भक्त मंडळ देवळांत साईची सेवा करपाची संद मेळ्ळी हें म्हजें नशीब. साईची सेवा करपाक आनी कसलेंय काम आसल्यार म्हाका मुजरत कळयांत अशें मुंरगांवचे आमदार संकल्प आमोणकार हांणी सांगलें.
देवळांत जाल्ल्या साई सतचरित्र पारायण कार्यावळी वेळार केल्ल्या भोवमानान ते जाप दिताले. ह्या वेळार अखील गोमंतक साई सेवा मंडळाचो अध्यक्ष वज्रधर (राजू) कळंगुटकार, भांडारी तशेंच सांगोल्डाच्यो आदलो सरपंच प्रेमानंत (बाबू) कोचरेकार, देवळाचो अध्यक्ष ज्ञानेश्वर पेडणेकार हाजीर आशिल्ले.
आमोणकार हांणी देवळाक जायती मजत केल्या. खंयच्याय कार्यावळींत तांचे योगदान आसता अशें वज्रधर कळंगुटकार हांणी ह्या वेळार सांगलें. सुरवेक कार्यावळीचे येजमान मंजुळा आनी अनूप होसाळी हांचो आमदार आमोणकार हांचे हस्तुकीं भोवमान केलो. जल्मदिसा निमतान मधू हळर्णकार आनी रमेश सावयवेरेंकार हांचोय भोवमान केलो.
प्रेमानंत कोचरेकारान आमोणकार हांचो भोवमान केलो. अखील गोमंतक साई सेवा मंडळाच्या बायल विभागाचो पदाधिकारी पौर्णिमा कळंगुटकार हिचो वंदना मुळगांवकार आनी नीता सावयवेरेंकार हांणी भोवमान केलो. सूत्रसंचालन मंडळाचे उपाध्यक्ष रामानंद तारी हांणी केलो. ज्ञानेश्वर पेडणेकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
