भांगरभूंय | प्रतिनिधी
भांगरभूंय । प्रतिनिधी
वाळपयः सरकारी कर्मचाऱ्यांनी लोकांक बरी सेवा दिवपाचो यत्न करचो अशें आवाहन पर्ये मतदारसंघाची आमदार दिव्या राणे हिणे केलां. सत्तरी उपजिल्होधिकारी कार्यालयांत आयोजीत केल्ल्या ध्वजारोहण कार्यावळींत बावटो हुबयले उपरांत ती उलयताली.
भाजपा सरकारान राज्यांत जायत्यो येवजण्यो चालीक लायल्यात ताचो लाब समाजांतल्या देरका मेरेन पावोवपा खातीर सरकारी यंत्रणेन तसेंच दरेकल्यान सहकार्य करपाक जाय अशें सांगतना सुटके झुजाऱ्यांचें बलिदान देश अजिबात विसरलो ना. सरकाराचे मनोबल वाडोवपाची गरज तिणे उक्तायली.
माचयेर उपजिल्होधिकारी प्रवीण परब, मामलेदार कौशीक देसाय, साईन नायक, आदलो उपसभापती नरहरी हळदणकार, जिल्हो पंचायत वांगडी देवयानी गांवस, राजश्री काळे, वाळपयची नगराध्यक्ष सेहझीन शेख, उपनगराध्यक्ष अनिल काटकार, नगरसेवक रामदास शिरोडकार, विनोद हळदणकार, प्रसन्न गांवस, शेख फैजल, सर्फराज सय्यत आशिल्लो.
राज्य निवृत्त सैनीक संघटनेच्या पदाधिकाऱ्यांनी आमदार दिव्या राणे हांची भेट घेवन तांकां निवेदन भेटयले. राणे हिणे फुला तुरें भेटोवन तांका येवकार दिलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
