भांगरभूंय | प्रतिनिधी
संवसारांत कोण सुखी आसा? हो एक व्यापक आनी वैयक्तीक प्रस्न. तो आमी स्वताक विचारलो तरी ताची जाप आमकां मेळूंक शकता. पूण सुवार्थी मनशांक तें करपाक जमना. देखूनच साईबाबाच्या शिकवणेक आनी वावराक लागून जायते लोक शांती आनी समाधानी जिवीत जगतात, कारण ते तांकां भितरलें समाधान आनी शांती मेळोवपाक आदार करतात. साईबाबान लोकांक मोग, करुणा, समता हांचो संदेश दिलो आनी ताका लागून जायते जाण ताचे कडेन आकर्शीत जाल्यात. सैमीक आसा. आयज जायते आध्यात्मिक गुरू आसात जे आमकां सकारात्मक जिवीत कशें जगचें तेंय शिकयतात.
साईबाबान लोकांक देव आनी मनशां मदल्या संबंदाची जाणविकाय करून दिली आनी ताका लागून जायत्या जाणांनी ताका अध्यात्मीक मार्गदर्शक मानलो. साई बाबा सादें जिवीत जगताले आनी साद्या गजालींनी सुख मेळोवपाची वाट लोकांक दाखोवन दिताले. भौतिक वस्तूं परस भितरली शांती आनी समाधान चड म्हत्वाचें अशें ताणें लोकांक शिकयलें. साई बाबान लोकांक अध्यात्मीक मार्गांत वचपाक आदार केलो आनी तांकां आत्मजागृतीचे दिकेन व्हेलो.
साईबाबान सगळ्या धर्मांक समान मानून लोकांक मोग आनी करुणेचेर आदारिल्लें जिवीत जगपाचो संदेश दिलो. आमचे कडेन जें आसा ताचेर समाधान मानपाक ताणें उपदेश केलो. हें जायत्या जाणांक कठीण. साईबाबान जायते चमत्कार केले, ताका लागून ताच्या भक्तांनी ताचेर चड विस्वास दवरलो. हें खाशेलें. चमत्कार आयज खंयच दिसनात. कारण कितें आसूं येता? देवा कडेन आमचो संबंद उणो जायत आसा. ते खातीर विरक्तताय म्हत्वाची.
साईबाबान लोकांक ‘विश्वास आनी धीर’ हाचेर विस्वास दवरपाचो आनी ‘अल्ला मलिक’ (देव एकच) हाचेर विस्वास दवरपाचो संदेश दिलो. मोग, करुणा आनी समता हांचेर आदारिल्लें जिवीत जगपाची पद्दत ताणें लोकांक दाखयली. ते खातीर त्याग होच संवर्धन करपाचो सद्गुण. साईबाबाच्या शिकवणेक आनी वावराक जायत्या जाणांक आकर्शीत जावन ताचे कडल्यान प्रेरणा मेळ्ळ्या. साईबाबान लोकांक भितरलें समाधान आनी शांती मेळोवपाक आदार केलो, ताका लागून तांकां संवसारांत चड सुखी जिवीत जगपाक मेळ्ळें. जीवितांत चड आशा बरी न्हय.
राजेश बाणावलीकार,
वेगासवाडो, हडफडे
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
