भांगरभूंय | प्रतिनिधी
भांगरभूंय । प्रतिनिधी
वाळपयः गोंय सरकाराच्या समाज कल्याण खात्याचो समाज वावुरपी व्हो पुरस्कार फावो जाल्ले खातीर प्रदीप गवंडळकाराचा तांच्या इश्टां वतीन होंडें हांगा आयोजीत केल्ले कार्यावळींत विनोद शिंदे हाचे हस्तुकीं भोवमान केलो. ह्या वेळार पिसुर्लेंचो सरपंच देवानंद परब, भिरोंडेंचो सरपंच उदयसिंह राणे, सत्तरी पत्रकार संघाचो अध्यक्ष उदय सावंत, बी डी मोट, मिलिंद गाडगीळ, मुला वरक हाजीर आशिल्ले.
प्रदीप गवंडळकार हांणी सर्प इश्ट, योग शिक्षक, सामाजीक वावुरपी, साहसी शिक्षक अशीं नामना मेळोवन सत्तरी तालुक्याचें नांव वयर काडलां, पुराय गोंयांत तांची अशी खाशेली प्रतिमा लोकां मदीं आसा अशें शिंदे हांणे सांगलें.
सर्प इश्ट हे वळखीन गवंडळकारान एक आदर्श तयार केला. वेळ आनी काळ हाचो विचार करनास्तना देरकाचे मजतीक वचपाचो प्रदीप गवंडळकार हाचो गुण सगल्यांनी घेवपा सारको आसा अशें उदयसिंह राणे हांणे सांगलें. गवंडळकारान हांच्या वावरांतल्यान समाजांत उर्जा तयार करपी विचारधारा तयार जातली अशें देवानंत परब हाणे सांगलें. मिलिंद गाडगीळ हांणे प्रदीप गवंडळकाराची वावराची माहिती दिली.
आतां मेरेन समाजांतल्या सगल्या घटकांचें म्हाका सहकार्य मेळ्ळें. म्हजा वावराची दखल घेवंन समाज कल्याण खात्याच्या पुरस्कारा खातीर आपलें नांव वेचून काडून म्हजी जापसालदारी वाडयल्या अशें गवंडळकारान भोवमानाक जाप दितना सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
