भांगरभूंय | प्रतिनिधी
नागपूर : मोहन भागवतः आरएसएसची भुमिका स्पश्ट आमच्या समाजांत जे मेरेन भेदभाव, विशमता कायम आसा, ते मेरेन आरक्षण कायम आसपाक जाय, अशी स्पश्ट भुमिका राष्ट्रीय स्वयंसेवक संघाचे (आरएसएस) मुखेली मोहन भागवत हांणी मांडली.
महाराष्ट्रांत एके वटेन मराठा समाजाच्या आरक्षणा खातीर आंदोलन परतून एकदा खर जालां. ह्याच काळांत नागपूरांतले एके जाहीर कार्यावळींत मोहन भागवत हांणी आरक्षणाक संघाचें समर्थन आशिल्ल्याचे स्पश्ट केले. आमच्या समाजांतल्या कांय घटकांनी दोन हजार वर्सां भेदभावा आड लडो दिलो. मागीर आमी तांचे खातीर आनीक 200 वर्सां कित्याक त्रास सोंसचे न्हय, असो प्रस्नूय तांणी उपस्थीत केलो.
अखंड भारत केन्ना अस्तित्वांत येतलो हे आपूण सांगपाक शकना. पूण ते खातीर तुमी काम करीत रावले, जाल्यार तुमी जाण्टे जाय मेरेन ते प्रत्यक्षांत येतना दिसतले. कारण परिस्थिती प्रमाण, भारता पसून वेगळे जाल्ल्यांक तांची चूक कळ्ळ्या. आपूण परतून भारत जावपाक जाय, अशें तांकां दिसपाक लागला. तांकां दिसता, भारत जावपाक नकाशा वयले रेशा पुसून उडोवपाक जाय. पूण तशें ना, भारत आसप म्हणल्यार भारताचो सभाव स्विकारप, अशें मोहन भागवत हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
