भांगरभूंय | प्रतिनिधी
भांगरभूंय । प्रतिनिधी
वाळपयः गोंय सरकाराच्या खेळ आनी युवा वेव्हार खात्यान आयोजीत केल्ले सत्तरी तालुको पांवड्या वयले अंडर 17 आनी अंडर 14 टेक्वायट सर्तींत दाबेच्या सरकारी उच्च माध्यमीक विद्यालयाच्या विद्यार्थिनीच्या पंगडानी वस्तादपण मेळयलें. तांणी फायनलींत केरी सरकारी माध्यमीक विद्यालयाच्या पंगडांक हारयलें.
सत्तरी तालुक्यांतल्या सरकारी आनी खाजगी विद्यालयांतल्या विद्यार्थिनींच्या पंगडांनी हे सर्तींत वांटो घेतिल्लो. जैतिवंत दाबें विद्यालय पंगडाक पालक- शिक्षक संघ, दाबे सरकारी माध्यमीक विद्यालयाची मुख्याध्यापिका रोशन पैंगीणकार, पीटी शि7क निकेश पणजीकार तशेंच शिखा गांवकार हांणी परबीं भेटयलीं. विद्यार्थिनींनी अशीच कामगिरी करून विद्यालयाचें नांव वयर काडचें अशें पालक-शिक्षक संघान मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
