भांगरभूंय | प्रतिनिधी
न्हंयांच्या उदकाची पातळ वाडली
भांगरभूंय । प्रतिनिधी
वाळपयः सत्तरी म्हालाच्या साबार वाठारांनी सोमारा दीसभर पावस पडिल्ल्यान लोकजीण विस्कळीत जाली. घांटार व्हड प्रमाणांत पावस चालू आशिल्ल्यान सत्तरी म्हालांतल्या न्हंयांच्या उदकाची पातळी वाडपाक लागल्या. असोच रातभर पावस पडलो जाल्यार उदकाची पातळी धोक्याचे खुणे मेरेन पावपाक शकता, असो अदमास आसा.
फाटल्या पंदरा दिसां सावन नेमान पडत आशिल्ल्या पावसाचो परिणाम शेतांचेर, बागायतींचेर जावपाची शक्यताय आसा. वखदांची फवारणी करून लेगीत बेड्यांची गळटी व्हड प्रमाणांत वाडपाक लागल्या. ताका लागून बागायतदारांचो हुस्को वाडला. फाटल्या दोन दिसां सावन पडपी पावसान सोमारा आकांताळें रूप घेतलें. आयतारा पडिल्ल्या उटंगाराच्या पावसाक लागून न्हंयांच्या उदकाचे पातळेंत वाड जाल्ली. सोमारा दीसभर पडिल्ल्या पावसान ती आतां अदीक वाडल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
