भांगरभूंय | प्रतिनिधी
भांगरभूंय । प्रतिनिधी
वाळपयः सत्तरी तालुक्यांतल्या सगल्या पंचायतींचेर भाजपाचो बावटो लागला. होंडा सोडून हेर पंचायतीचे सरपंच, उपसरपंचाची बिनविरोध निवड जाल्या. भाजपाची राजवट ही साबार लोकां खातीर आशिल्ल्या प्रभावीत जाल्ल्या लोकांनी भाजपाक सगले कडेन येश मेळोवन दिलां अशें वाळपयचे आमदार आनी भलायकी मंत्री विश्वजीत राणे हांणी सांगलें.
सत्तरींतल्या 12 पंचायतींच्या सरपंच, उपसरपंचांची निवड सोमाराक जाली. होडां सोडून हेर 11 पंचायतीचे सरपंच, उपसरपंच विरोधाविणे वेंचून काडले. होंड्यांत शिवदास माडकार 7-4 अश्या मतांनी सरपंचपदार आनी रेश्मी गांवकार 8-3 अश्या मतांनी उपसरपंच म्हणून वेंचून आयली. वाळपय आनी पर्यें मतदारसंघाचेर भाजपाचो प्रभाव दिसून आयलो.
सविस्त निकाल- ठाणेः सरपंच- सरिता गांवकार, उपसरपंच- तनया गांवकार. म्हाऊसः सरपंच- सोमनाथ काळे, उपसरपंच- राधिका सावंत. नगरगांवः सरपंच- संध्या खाडीलकर, उपसरपंच- रामू खरवत. सावर्डेंः सरपंच- उज्वला गांवकार, उपसरपंच- शिवाजी देसाय. गुळेलीः सरपंच- नितेश गावडे, उपसरपंच- रत्नाकर कासकर. खोतोडेंः सरपंच- नामदेव राणे, उपसरपंच- नंदिनी म्हाळशेकार. भिरोंडेंः सरपंच- उदयसिंह राणे, उपसरपंच- मनिषा पिळयेकार. पिसुर्लेंः सरपंच- देवानंद परब, उपसरपंच- बिजली गावडे. केरी- सरपंच- दीक्षा गांवस, उपसरपंच- भिवा गांवस. मोर्लेंः सरपंच- अमीत शिरोडकार, उपसरपंच- रुचिता मागणार. होडेंः सरपंच- शिवदास माडकार, उपसरपंच- रेश्मी गांवकार. पर्येः सरपंच- रती गांवकार, उपसरपंच- आत्माराम शेट्ये
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
