भांगरभूंय | प्रतिनिधी
भाजपाच्या संयुक्त संघटन म्हामंत्रीपदार नेमणूक
भांगरभूंय I प्रतिनिधी
पणजी : गोंय भाजपाचे संघटन मंत्री सतीश धोंड हांची अस्तंत बंगाल भाजपाच्या संयुक्त संघटन म्हामंत्रीपदार नेमणूक केल्या. भाजपाचे राष्ट्रीय अध्यक्ष जे. पी. नड्डा हांणी बिरेस्तारा हे विशींचो आदेश जारी केला.
लोकसभा वेंचणुकेचे फाटभुंयेर केंद्रीय भाजपान चार संघटन म्हामंत्र्यांची बदली केल्या. ते प्रमाण सतीश धोंड हांची अस्तंत बंगालांतल्यान असनसोल केंद्राच्या संयुक्त संघटन म्हामंत्रीपदार नेमणूक केल्या.
गोंयांत संघटन मंत्री म्हूण अजून कोणाची नेमणूक जावंक ना, अशें भाजप प्रदेशाध्यक्ष सदानंद शेट तानावडे हांणी पत्रकारां कडेन उलयतना सांगलें.
गोयांत जाल्ली विधानसभा पोटवेंचणूक, जिल्हो पंचायत वेंचणूक तशेंच अंदूं जाल्ले विधानसभा वेंचणुकेंत धोंड हांणी भाजपाक जैत मेळोवन दिले. आतां ममता बॅनर्जींचो बालेकिल्लो आसपी अस्तंत बंगालांत भाजपाक येस मेळोवन दिवपाच्या हेतानूच धोंड हांची थंय नेमणूक केल्ल्याची म्हायती भाजपांतल्या सुत्रांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
