भांगरभूंय | प्रतिनिधी
पेढामळ-केपेंच्या साई ब्रदर्स स्पोर्ट्स अॅण्ड कल्चरल क्लबान आयोजीत केल्ले अखील गोंय पांवड्या वयले फुटबॉल सर्तींत शिरोडेंच्या डॉ. सखाराम गुडे हायस्कुलान वस्तादपण जोडलें.
फायनलींत ताणें तिळामळ पंगडाक दोन गोलांनी हारयलो. जैतिवंत पंगडांत साहिल वेळीप, निश्चय वेळीप, स्वरुप गांवकार, जोशुआ गोम्स, वंदेश गांवकार, प्रज्योत पिळगांवकार, हर्षराज गांवकार, आतिश गांवकार, दिक्षांत बेतोडकार, उत्तम कामत, विनय वेळीप, गौरव वेळीप हांचो आस्पाव आशिल्लो.
दिक्षांत बेतोडकाराची उत्कृश्ट गोलकीपर पुरस्कारा खातीर निवड जाली. शारिरीक शिक्षण शिक्षक नितेश जांगळीचें पंगडाक मार्गदर्शन लाबलें. शाळा वेवस्थापन संचालक चंद्रकांत हेदे, सचीव पद्मनाभ प्रभुदेसाय, शाळेची मुख्याध्यापिका संध्या प्रभुदेसाय, शिक्षक, पालक हांणी खेळगड्यांक परबीं भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
