भांगरभूंय | प्रतिनिधी
भारत आनी ऑस्ट्रेलिया ह्या पंगडां मदीं आयच्यान तीन वन डे मॅचींचे माळेक सुरवात जाता. संवसारीक वन डे सर्ती पयलीं ही निमाणी माळ भारत आनी ऑस्ट्रेलिया दोनूय पंगडां खातीर म्हत्वाची आसा.
भारताचो पंगड आयज पयले मॅचींत लोकेश राहुलाच्या फुडारपणाखाला खेळटलो. राहुलान आशिया करंड सर्ती वरवीं पुनरागमन केल्लें. हे माळे वरवीं भारताक आपलो उत्कृश्ट इकरा वांगड्यांचो पंगड तयार करपाक मजत मेळटली.
श्रेयस अय्यरान सादारणपणान प्रदर्शन केलां. पूण, तरी आसतना ताका पंगडांतली आपली सुवात घट करपाक जमूंक ना. संवसारीक सर्ती पयलीं ताणें पुनरागमन केलां. दोनूय खेळगड्यां खातीर ही माळ म्हत्वाची आसा. पयल्या दोन मॅचीं खातीर रोहित शर्मा, विराट कोहली, हार्दिक पांड्या, कुलदीप यादव ह्या अणभवी खेळगड्यांक विसव दिला.
ऑस्ट्रेलिये वतीन पॅट कमिन्स, मिचेल स्टार्क आनी स्टिव स्मिथ हांचें हे माळे वरवीं पुनरागमन जातलें. दुखापतीक लागून तांकां दक्षीण आफ्रिके आडची माळ चुकिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
