भांगरभूंय | प्रतिनिधी
खबरां संस्था
मुंबयः संवसारीक चॅम्पियन कॅरम सर्तींत भारतान आपलें वर्चस्व दवोरलें. दादले आनी बायलांची एकोडे सयत दोट्टी आनी दोनूय विभागांत भारतान सांघीक जैत मेळयलें. एकोडींत संदीप दिवे आनी रश्मी कुमारी वस्ताद थारलीं. मलेशियांत जाल्ले हे सर्तीचे एकोडीच्या निमणे मॅचींत संवसारीक सर्तींत पयलेच खेप खेळपी संदीपान भारताच्याच अब्दुल रेहमानाक 1-25, 25-19, 25-22 अशें हारयलें. तिसरे नंबरा खातीर जाल्ले मॅचींत भारताच्या श्रीनिवासनान प्रशांत मोरेक 25-12, 25-20 अशें हारयलें.
बायलांचे एकोडींचे फायनलींत रश्मी कुमारीन भारताची राष्ट्रीय जैतिवंत महाराष्ट्राच्या काजल कुमारीक 25-20, 25-16 अशें हारयलें. रश्मीचे हे तिसरें वस्तादपण थारलें. महाराष्ट्राच्या नीलम घोडकेन कांस्या पदक मेळयतना देबजानी तामुलीक 25-21. 25-7 अशें हारयलें. दादल्यांच्या सांघीक गटात भारतान श्रीलंकेक आनी बायल्यांच्या गटांत अमेरिकेक 3-0 अशें हारयलें.
दादल्याचे दोट्टींत प्रशांत मोरे आनी अब्दुल रेहमान जोडयेन फायनलींत कें श्रीनिवास आनी संदीप दिवे जोडयेक 0-25, 25-23 आनी 25-15 अशें हारयलें. बायलाचें दोट्टींत रश्मी कुमारी आनी नीलम घोडके जोडयेन काजल कुमारी आनी देबजानी तामुलीक 25-8, 25-0 अशें हारोवन भांगरा पदक मेळयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
