भांगरभूंय | प्रतिनिधी
पर्वरी ः सेगीत णवव्या वर्सा गोंयांतले संजय सेंटर फाॅर स्पेशल एज्युकेशनल संस्थेचो धावेचो निकाल 100 टक्के लागला. संस्थेच्या पर्वरी, वास्को आनी कुडचडें ह्या तीन केंद्रांतल्यान वट्ट 49 विशेश विद्यार्थी अंदूं परिक्षेक बशिल्ले.
पर्वरी केंद्रांतल्या 30 विशेश विद्यार्थ्यां पैकीं तनिष्का रामास्वामी हे विद्यार्थिनीन 90 टक्के गूण मेळोवन पयलो क्रमांक जोडला. निकेश थापा हाणें 85.33 टक्के गूण मेळोवन दुसरो आनी गिब्सन क्लायव्ह डिसोझा हाणें 83.67 टक्के गूण मेळोवन तिसरो क्रमांक जोडला.
उरिल्ले विद्यार्थी 60 ते 70 टक्के गूण मेळोवन पास जाल्यात. वास्को केंद्रांतल्यान शामस परिषवाडी 81.5 टक्के गूण मेळोवन पयलो जाल्यार आकाश हरिजन आनी अर्जुन पाटील हांणी वळेरेन 81 टक्के आनी 76 टक्के गुणां सयत दुसरो आनी तिसरो क्रमांक जोडला. कुडचडें केंद्रांतल्यान 13 विशेश विद्यार्थी परिक्षेक बशिल्ले. मुतादिर शेख 96.83 टक्के गूण मेळोवन पयलो आयला. अनायझा राॅड्रिग्स 93.67 टक्के गुणां सयत दुसरो आनी अब्दुल गनी शेख 93.33 टक्के गूण मेळोवन तिसरो आयला.
राज्य दिव्यांग आयुक्त गुरूप्रसाद पावसकार, संस्थेची पर्वरेची वांगडी सचीव नीतल आमोणकार आनी प्रशासन आनी लेखाधिकारी दिलीप मोरजकार आनी मुख्याध्यापक तातू कुडाळकार हांचे सयत शिक्षकांनी सगल्या येसस्वी विद्यार्थ्यांचें अभिनंदन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
