भांगरभूंय | प्रतिनिधी
अवर लेडी ऑफ लुड्स दुसरें जाल्यार स्वामी विवेकानंद विद्यालय तिसरें
भांगरभूंय । प्रतिनिधी
वाळपयः गोंय खेळां आनी युवा वेव्हार खात्या वतीन सत्तरी म्हाल पांवड्याचेर विद्यालयीन पांवड्याचेर संचालन सर्त घेतिल्ली. हे सर्तींत पर्येच्या भुमिका विद्यालयाक पयलें, वाळपयच्या अवर लेडी ऑफ लुड्स विद्यालयाक दुसरे जाल्यार केरीच्या स्वामी विवेकानंद विद्यालयाक तिसरें इनाम फावो जालें. ही सर्त वाळपयच्या नाणूस मैदानाचेर घेतिल्ली.
हे सर्तींत वट्ट 8 पंगडांनी वांटो घेतिल्लो. सत्तरी म्हाल खेळां अधिकारी दिलीप गांवकार हांच्या मार्गदर्शना खाला ही सर्त घेतिल्ली. हे सर्तीचें परिक्षण वाळपय पुलीस प्रशिक्षण केंद्राचे प्रशिक्षक रॉक हांणी केलें. दिलीप गांवकार हांणी प्रतिक्रिया दितना सांगलें, ही सर्त बरे तरेन जाली. हे सर्तींत आठ पंगडांनी वांटो घेतिल्लो. फुडारांत अशेच तरेच्यो सर्ती आयोजीत करतले. तातूंत विद्यालयाच्या पंगडांनी व्हड संख्येन वांटो घेवचो, असो तांणी उलो मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
