भांगरभूंय | प्रतिनिधी
बेतकीच्या श्री महामाया देवस्थानाचो विसावो प्रतिष्ठापना वर्धापन दीस आनी शिखर कलश प्रतिष्ठापना सुवाळो 26 आनी 27 एप्रीलाक व्हडा उमेदीन आनी भक्तीभावान मनयतले.
26 एप्रीलाक जावपी शिखर स्थापना आनी वर्धापन दीस सुवाळ्याचे यजमान सौ. देविका आनी श्री. दीपक शा. बेतकीकार हीं आसतलीं.
27 एप्रीलाक सकाळीं 9 वरांचेर धर्मीक कार्याक सुरवात जावन विंगडविंगड धर्मीक विधी जातले. दनपरां 1 वरांचेर महामंगल आरती जातली, उपरांत तीर्थप्रसाद जातलो. दनपरां 1.30 वरांचेर महाप्रसाद जातलो.
सांजवेळा 5 वरांचेर धाडवंस भजनी मंडळ, बेतकीचे वतीन भजनाची कार्यावळ जातली. रातीं 8 वरांचेर आरती जातल्यो आनी रातीं 9 वरांचेर लक्ष्मीनारायण कला मंच, आल्त केरी फोंडें प्रस्तुत ‘बाबा जमलें रे’ हें कोंकणी नाटक जातलें. ह्या नाटकाचें दिग्दर्शन गौतम अनंत गावडे हांचें आसा.
ह्या वर्धापन दीस सुवाळ्याक आनी नाटकाक भाविकांनी मुजरत येवचें अशें आवाहन आयोजकांनी केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
