भांगरभूंय | प्रतिनिधी
भांगरभूंय प्रतिनिधी
काणकोण ः देळें-काणकोणांतल्या श्री मल्लिकार्जुन आनी श्री चेतन मंजू देसाय महाविद्यालयांतल्या इतिहास विभागाचे वतीन निकतोच शिवराज्याभिशेक दिसाचो सुवाळो दबाज्यान जालो. हे कार्यावळीक ज्ञान प्रबोधिनी मंडळाचे उपाध्यक्ष के. बी. गांवकार मुखेल सोयरे ह्या नात्यान हाजीर आसले.
महाविद्यालया मुखा वयल्या शिवप्रतिमेक फुलांहार घालून कार्यावळीची सुरवात जाली. ह्या वेळार महाविद्यालयाचे प्राचार्य डाॅ. मनोज कामत, उपप्राचार्या डाॅ. सुचेता नायक, डाॅ. रुपा च्यारी, डाॅ. गीता वाळवेकार, डाॅ. मिथील फळदेसाय, इतिहास विभाग मुखेल प्राध्यापिका डाॅमिटल डिसोझा, केवल नायक, हेमंत अय्या, रामदास सावंत तशेंच महाविद्यालयांतले प्राध्यापक आनी कर्मचारी हाजीर आसले.
हे कार्यावळीचें आयोजन महाविद्यालयांतल्या इतिहास विभागान केले. इतिहास विभागांतली प्राध्यापिका डाॅमिटल डिसोझा, सहाय्यक प्राध्यापिका योगिता लाॅपीझ आनी सहाय्यक प्राध्यापिका रुतुजा पागी हांणी कार्यावळ येसस्वी जावपाक हातभार लायलो. सहाय्यक प्राध्यापिका योगिता लाॅपीझ हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
